Talabalar bilan tanishtiruv uchrashuvlari: imkoniyatlar va mas’uliyat!

Yangiliklar 16-09-2026 14 4 SDG 4 Sifatli ta'lim 10 SDG 10 Tengsizlikni kamaytirish 16 SDG 16 Tinchlik va adolat
gallery image
gallery image
gallery image
gallery image
gallery image
gallery image
gallery image

Termiz davlat universitetida birinchi bosqich talabalari uchun universitet hayoti bilan yaqindan tanishishga qaratilgan tanishtiruv darslari tashkil etildi. Universitet rektorining Yoshlar masalalari bo‘yicha maslahatchisi hamda profilaktika inspektori ishtirokida katta majlislar zalida o‘tkazilgan uchrashuvlarda talabalarga Yoshlar ittifoqining faoliyati, yoshlar uchun yaratilgan imkoniyat va imtiyozlar haqida batafsil ma’lumot berildi.

🟢Shuningdek, universitet kampusida belgilangan tartib-qoidalarga rioya qilish, jinoyatchilik, giyohvandlik va korrupsiya kabi illatlarga qarshi murosasiz munosabatda bo‘lish, huquqbuzarliklarning oldini olishda faol ishtirok etish hamda daxldorlik hissi bilan yashashning ahamiyati tushuntirildi.

🟢Muloqot davomida talabalar o‘zlarini qiziqtirgan savollarga batafsil javob oldilar, taklif va tashabbuslarini bildirdilar.