Termiz davlat universiteti Yoshlar bilan ishlash, ma’naviyat va ma’rifat bo‘limi universitet jamoasi, ayniqsa talaba-yoshlar o‘rtasida milliy va umumbashariy qadriyatlarga asoslangan demokratik tamoyillarni qaror toptirish, inson huquqlari, erkinliklari va qadr-qimmatini ulug‘lash, jismonan sog‘lom, ma’nan yetuk, dunyoqarashi keng, mustaqil va tanqidiy fikrlaydigan, yuksak fuqarolik pozitsiyasiga ega barkamol yoshlarni tarbiyalashga qaratilgan tizimli ma’naviy-ma’rifiy va tarbiyaviy ishlarni amalga oshiradi.
Bo‘lim o‘z faoliyatini O‘zbekiston Respublikasining Konstitutsiyasi va qonunlari, O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasining qarorlari, Oliy ta’lim, fan va innovatsiyalar vazirligining buyruqlari, topshiriqlari hamda boshqa me’yoriy-huquqiy hujjatlar, universitet Ustavi, ichki tartib-qoidalari va mazkur bo‘lim Nizomi asosida amalga oshiradi.
Ma’naviy-ma’rifiy faoliyatning asosiy yo‘nalishlari: - milliy va umuminsoniy qadriyatlarga tayangan holda talaba-yoshlarni faol fuqarolik pozitsiyasiga ega shaxslar etib shakllantirish; - talabalarda Vatanga sadoqat, milliy g‘urur, yurt taqdiriga daxldorlik va ijtimoiy mas’uliyat tuyg‘ularini mustahkamlash; - talabalarning individual qobiliyati, qiziqishi, iqtidori va ijodiy salohiyatini aniqlash hamda rivojlantirish; - talaba-yoshlarni ijtimoiy faollik, tashabbuskorlik, mehnatsevarlik, bilim olish va kasb egallashga mas’uliyat bilan yondashish ruhida tarbiyalash;.
- talabalarning ijtimoiy-siyosiy va huquqiy ongi hamda madaniyatini yuksaltirish, ularda mustaqil, tanqidiy va tahliliy fikrlash ko‘nikmalarini shakllantirish; - korrupsiya, ta’magirlik, mahalliychilik, loqaydlik va boshqa salbiy illatlarning jamiyat taraqqiyotiga zararli oqibatlarini talaba-yoshlarga tushuntirish; - talaba-yoshlarning bo‘sh vaqtini mazmunli tashkil etish, ularni qiziqishlari asosida ilmiy, ijodiy, madaniy, sport va jamoatchilik faoliyatiga keng jalb etish; - iqtidorli talabalarni aniqlash, ularning ilmiy va ijodiy tashabbuslari, startap va innovatsion loyihalarini qo‘llab-quvvatlash; - talabalar o‘rtasida kitobxonlik madaniyatini yuksaltirish va mutolaa muhitini shakllantirish; - talabalarda sog‘lom turmush tarzini qaror toptirish, sport va jismoniy tarbiya bilan muntazam shug‘ullanishini rag‘batlantirish; - volontyorlik, xayriya, ekologik va ijtimoiy loyihalarda talaba-yoshlarning faol ishtirokini ta’minlash; - talabalar o‘rtasida tizimli ma’naviy-axloqiy va tarbiyaviy ishlarni takomillashtirib borish. - Yoshlar bilan ishlash, ma’naviyat va ma’rifat bo‘limining asosiy vazifalari: mamlakatimizda amalga oshirilayotgan ijtimoiy-siyosiy, iqtisodiy va ma’naviy-ma’rifiy islohotlarning mazmun-mohiyatini talaba-yoshlar o‘rtasida keng targ‘ib qilish; - talabalarda yuksak axloqiy, estetik, siyosiy, huquqiy va ma’naviy madaniyatni shakllantirish; - milliy urf-odatlar, an’analar, tarixiy meros va umuminsoniy qadriyatlarni targ‘ib qilishga qaratilgan konferensiyalar, forumlar, davra suhbatlari, uchrashuvlar, tanlovlar va boshqa ma’naviy-ma’rifiy tadbirlarni tashkil etish; - talabalarning ma’nan, jismonan va intellektual jihatdan kamol topishi uchun zarur shart-sharoitlarni yaratishga ko‘maklashish; - universitetda ma’naviy-ma’rifiy va tarbiyaviy ishlarning ustuvor yo‘nalishlarini belgilash, tegishli chora-tadbirlar rejalarini ishlab chiqish va amalga oshirish; - tyutorlar tomonidan talabalar bilan olib borilayotgan ma’naviy-ma’rifiy va tarbiyaviy ishlarni muvofiqlashtirish, uslubiy jihatdan qo‘llab-quvvatlash va natijadorligini monitoring qilish; - akademik guruhlardagi ijtimoiy-ma’naviy muhitni o‘rganish, talabalarning muammo va takliflarini aniqlash hamda ularni hal etishga ko‘maklashish; - diniy ekstremizm, terrorizm, giyohvandlik, kiberjinoyatchilik, odam savdosi, huquqbuzarlik va boshqa salbiy holatlarga qarshi talaba-yoshlarda mafkuraviy immunitetni shakllantirish; yoshlarning musiqa, rassomlik, adabiyot, teatr, san’at va ijodning boshqa yo‘nalishlariga qiziqishini oshirish hamda iste’dodlarini yuzaga chiqarishga ko‘maklashish; - talaba-yoshlarning bo‘sh vaqtini mazmunli tashkil etish, ularni to‘garaklar, klublar, sport seksiyalari, ijodiy va intellektual loyihalarga jalb qilish; - talabalar o‘rtasida kitobxonlik madaniyatini yuksaltirish, kitob mutolaasini targ‘ib qilish va kitobxonlik tanlovlarini tashkil etish; talaba-qizlarning ijtimoiy faolligini oshirish, ta’lim olishi, kasb-hunar egallashi va o‘z qobiliyatlarini namoyon etishiga ko‘maklashish; - iqtidorli va tashabbuskor talabalarni nomdor va universitet stipendiyalari, tanlovlar, olimpiadalar, grantlar, ilmiy va innovatsion loyihalarda ishtirok etishga yo‘naltirish; - talabalarning sport musobaqalari, madaniy tadbirlar, ko‘rik-tanlovlar va festivallarda faol ishtirokini ta’minlash; - talabalar o‘rtasida volontyorlik harakatini rivojlantirish va ijtimoiy tashabbuslarni qo‘llab-quvvatlash; - talabalarning murojaatlari, taklif va muammolarini tizimli o‘rganish hamda ularni hal etish bo‘yicha tegishli choralarni ko‘rish; - talabalar o‘rtasida sog‘lom ma’naviy muhitni ta’minlash maqsadida anonim so‘rovnomalar, ijtimoiy tadqiqotlar va monitoring ishlarini tashkil etish; - talabalarning ota-onalari, mahalla fuqarolar yig‘inlari va tegishli tashkilotlar bilan hamkorlikni yo‘lga qo‘yish; - “universitet – oila – mahalla” hamkorlik mexanizmini takomillashtirish; ijtimoiy himoyaga muhtoj va alohida e’tibor talab etadigan talabalarni ma’naviy hamda ijtimoiy qo‘llab-quvvatlash; - Respublika Ma’naviyat va ma’rifat markazining hududiy bo‘linmalari, Yoshlar ishlari agentligi, mahalliy hokimliklar, huquqni muhofaza qiluvchi organlar, mahalla va boshqa davlat hamda jamoat tashkilotlari bilan hamkorlikda ma’naviy-ma’rifiy ishlarni takomillashtirish.
Tuxtayev Suxrob
Shamsiddin o'g'li
Yoshlar bilan ishlash, ma'naviyat va ma'rifat bo'limi bosh mutaxassis
