Texnika fanlari doktori(DSc), , v.b professor
2021-yil 8-oktyabr kuni oʻtkazilgan Oʻzbekiston Respublikasi Prezidenti Sh.M.Mirziyoyevning Surxondaryo viloyati saylovchilari va viloyat faollari bilan uchrashuvida viloyatda yosh tadqiqotchilar va talaba-yoshlar ishtirokida kimyo, biologiya, ekologiya va agrotexnologiyalar sohasida ilmiy-tadqiqot ishlari olib borishga moʻjallangan zamonaviy innovatsion “Ilmiy-tadqiqot markaz” tashkil etish yuzasidan topshirigʻi berilgan edi.
2024-yil 28-avgust sanasida 2024/2025-oʻquv yili boshlanishi munosabati bilan Mustaqilligimizning 33 yillik shodiyonalari arafasida yangidan qurib foydalanishga topshirilgan binolar: “Ilmiy-tadqiqot markazi” foydalanishga topshirildi.
Tadbirda Surxondaryo viloyati hokimi Ulugʻbek Qosimov ishtirok etib, yigʻilganlarni istiqlol ayyomi bilan qutladi hamda oliygoh professor-oʻqituvchilari va talabalarni yangi obyektlar ochilishi bilan tabrikladi.
Viloyat rahbari faxriy professor-oʻqituvchilar, universitet rahbariyati, nuroniylar hamda talabalar bilan foydalanishga topshirilgan binolarda yaratilgan sharoitlar hamda universitet faoliyatini yanada rivojlantirishga xizmat qiladigan loyihalar taqdimoti bilan tanishdi.
Hozirgi kunda “Ilmiy-tadqiqot markazi”da:
0-qavat. Polimerlar va qurilish-kompozitsion materiallar laboratoriyasi
1-qavat. Fizik-kimyoviy tadqiqotlar laboratoriyasi/In-vitro laboratoriyasi
2-qavat. Neft va gaz kimyosi laboratoriyasi
3-qavat. Mahsulotlar sifatini baholash va sertifikatlash laboratoriyasi
4-qavat. Sunʼiy intellekt va raqamli texnologiyalar laboratoriyasi
5-qavat. Hududiy tadqiqot markazi
6-qavat. Arxeologiya laboratoriyasi
7-qavat. OʻzR FA Surxondaryo hududiy boʻlimi / Ilmiy Kengashlar zali tashkil etilgan va oʻz faoliyatini olib bormoqda.
2025-yil yosh tadqiqotchilar oʻrtasida tashkil etilgan “Akademik harakatchanlik” dasturi doirasida Termiz davlat universiteti respublikamiz universitetlari oʻrtasida 1- oʻrinni qoʻlga kiritdi.
ITMda ilmiy-tadqiqot faoliyati olib borayotgan tayanch doktorantlari, doktorantlar, professor-oʻqituvchilaridan 12 nafari “Akademik harakatchanlik” dasturining 2025-yilgi gʻolibi boʻldi.
Kimyo fakulteti professor-oʻqituvchilar tomonidan grant loyihasidan 3-qavatdan 3 ta laboratoriya xonasi jihozlandi. Jumladan:
Xitoy Xalq Respublikasi Shimoliy-gʻarbiy universitet bilan hamkorlikda ITM 6-qavatida joylashgan arxeologiya laboratoriyasi bosqichma-bosqich jihozlanmoqda
2025-yil 1–2-iyun kunlari Samarqand shahrida boʻlib oʻtgan Oʻzbekiston–Xitoy "Taʼlim, fan va texnologiyalar sohasida innovatsion hamkorlik forumi" doirasida Termiz davlat universiteti (TerDU) va Xitoyning Shimoli-gʻarbiy universiteti (NWU) oʻrtasida “Xitoy–Markaziy Osiyo inson va atrof-muhit “Bir makon, bir yoʻl” qoʻshma laboratoriyasi (C-CHEL Termiz)ni yanada takomillashtirish va birgalikda boshqarish boʻyicha hamkorlik bitimi imzolandi.
Loyiha maqsadlari:
Ilmiy tadqiqotlar, kadrlar tayyorlash va madaniy merosni oʻrganish boʻyicha yuqori darajadagi platforma yaratish.
Arxeologiya, paleoekologiya va raqamli monitoring sohalarida zamonaviy laboratoriyalarni birgalikda qurish.
Qoʻshma oʻquv dasturlari va xalqaro ilmiy loyihalarni amalga oshirish. Ipak yoʻli sivilizatsiyasini oʻrganishga qaratilgan ilmiy izlanishlarni faollashtirish.
Ushbu hamkorlik nafaqat ikki universitet, balki butun mintaqa uchun muhim ilmiy va madaniy ahamiyatga ega loyiha hisoblanadi.
2025-yil 11-sentyabrda Toshkent shahridagi Yoshlar ijod saroyida muhandislik yoʻnalishlari boʻyicha “Eng yaxshi gʻoya”, “Eng yaxshi loyiha” va “Eng yaxshi ixtiro” respublika koʻrik-tanlovlari gʻoliblarini tantanali taqdirlash marosimi boʻlib oʻtdi.
Mazkur tanlov 2025-yilning may–iyul oylarida uch bosqichda tashkil etilib, unda 40 yoshgacha boʻlgan 1262 nafar iqtidorli yosh muhandis oʻz intellektual salohiyati va yangicha qarashlarini namoyon qildi. Ularning loyihalari innovatsionlik, samaradorlik, amaliy qoʻllash imkoniyati hamda barqaror rivojlanish mezonlari asosida baholandi.
Termiz davlat universiteti doktoranti Xolboyeva Aziza Ixtiyarovna “Yogʻochni himoyalovchi antipiren-antiseptik olish usuli” nomli ixtirosi bilan mazkur nufuzli tanlovda faxrli 3-oʻrinni qoʻlga kiritdi.
Shuningdek, universitetimiz tayanch doktoranti Bozorov Yoqubjon Sherali oʻgʻli oʻzining “Mahalliy xom-ashyolar asosida ionalmashinuvchi, ultrafiltratsion membranalar olish” nomli loyihasi bilan Tanlovning Tashkiliy qoʻmitasi tomonidan dolzarb muhandislik yechimlarini taqdim etgan ishtirokchi sifatida “Innovatsion gʻoyalar yetakchisi” koʻkrak nishoniga tavsiya etildi.
0-qavat. Polimerlar va qurilish-kompozitsion materiallar laboratoriyasi-Respublikamiz mahalliy xomashyolari va texnologik chiqindilarni oʻzlashtirish hisobiga jahonning ilgʻor tajribalariga muvofiq yangi polimerlar va qurilish-kompozitsion materiallar yangi turlarini yaratish hamda kompozit materiallar va innovatsion kimyo texnologiyalari asosida qurilish materiallari texnologiyalarini sinovdan oʻtkazish va mahalliy ishlab chiqarishni yoʻlga qoʻyish:
1-qavat. Fizik-kimyoviy tadqiqotlar laboratoriyasi-ilmiy tadqiqot ishlari bilan shugʻullanayotgan Surxondaryo viloyatidagi yosh olimlar, tadqiqotchilar, professor-oʻqituvchilar uchun kimyo, biologiya, ekologiya va agrotexnologiyalar sohasida ilmiy-tadqiqot ishlari natijalarini zamonaviy fizik-kimyoviy tadqiqotlar yordamida oʻrganish:
1-qavat. In-vitro laboratoriyasi-oʻsimlik organizmining toʻqimalarini mikroklonal koʻpaytirish usuli orqali “sogʻlom”, viruslardan holi boʻlgan koʻchat hamda payvandtag yetishtirish ishlari:
2-qavat. Neft va gaz kimyosi laboratoriyasi- Surxondaryo viloyati tabiiy resurslari neft va gaz kimyosini tadqiq qilish, neft va gaz mahsulotlarini qayta ishlashni kengaytirish, ishlab chiqarish korxonalari chiqindi mahsulotlarini qayta ishlash texnologiyalarini yaratish, talaba va magistrantlarni ilmiy-tadqiqot ishlariga yoʻnaltirish imkoniyati yaratish
3-qavat. Mahsulotlar sifatini baholash va sertifikatlash laboratoriyasi-mamlakat oziq-ovqat xavfsizligini yanada mustahkamlash va agrar sektorning eksport salohiyatini yuksaltirish uchun mahsulotlar sifatini baholash va sertifikatsiyalash:
4-qavat. Sunʼiy intellekt va raqamli texnologiyalar laboratoriyasi-sunʼiy intellekt sohasida fundamental va amaliy ilmiy tadqiqotlarni olib borish hamda sunʼiy intellekt texnologiyalari asosida boshqaruv va ishlab chiqarish jarayonlarini avtomatlashtirish boʻyicha innovatsion mahsulotlarni hamda ularning modellari, algoritmlari va dasturiy taʼminotini ishlab chiqish va iqtisodiyot tarmoqlari, ijtimoiy soha va davlat boshqaruvi tizimida sunʼiy intellekt texnologiyalarini joriy etish:
5-qavat. Hududiy tadqiqot markazi-Zamonaviy sotsiologik tadqiqotlarni amalga oshirishda jamoatchilik salohiyatidan kengroq foydalanish, ijtimoiy holatni oʻrganish, ilgʻor nazariy vositalardan foydalanish, aholini faol jalb etish orqali islohotlar boʻyicha fikr-munosabatlarni aniqlash, soʻrovnomalar oʻtkazish va ularning natijalaridan ijtimoiy-iqtisodiy va ijtimoiy-siyosiy hayotida foydalanish uchun turli takliflar ishlab chiqish:
6-qavat. Arxeologiya laboratoriyasi -Arxeologik obyektlar va artefaktlarni kompleks laboratoriya tadqiqoti, ularning xronologiyasi, texnologiyasi va tarkibiy xususiyatlarini aniqlash, ilmiy asoslangan tahlil metodlarini joriy etish va arxeologik merosni saqlash hamda restavratsiyalashning samarali usullarini ishlab chiqish ishlari bilan shugʻullanmoqda.
7-qavat. OʻzR FA Surxondaryo hududiy boʻlimi / Ilmiy Kengashlar zali- Oʻzbekiston Respublikasi Prezidenti Sh. M. Mirziyoyevning 2025-yil 27-dekabrdagi PQ-390 sonli qarori asosida O’zbekiston Respublikasi Fanlar akademiyasi Surxondaryo hududiy bo’limi tashkil etildi. Oʻzbekiston Respublikasi Fanlar akademiyasi prezidentining 2026-yil 15-apreldagi buyrugʻiga muvofiq Termiz davlat universiteti rektori, iqtisodiyot fanlari doktori, professor Toshqulov Abduqodir Hamidovich jamoatchilik asosida Oʻzbekiston Respublikasi Fanlar akademiyasining Surxondaryo hududiy boʻlimi raisi lavozimiga tayinlandi.
Fanlar akademiyasining Surxondaryo hududiy boʻlimi Termiz davlat universitetining Ilmiy-tadqiqot markazida faoliyat olib boradi.
Ushbu qaror Surxondaryo viloyatida:
• ilmiy tadqiqotlar sifatini oshirish,
• innovatsion ishlanmalarni joriy etish,
• yosh olimlarni qoʻllab-quvvatlash,
• hududiy muammolarga ilmiy yechimlar ishlab chiqish kabi yoʻnalishlarda yangi bosqichni boshlab beradi.
Ilmiy-tadqiqot ishlariga qiziqqan bakalavr talablar, magistrlar ilmiy-rahbarlari bilan ushbu markazda ilmiy-tadqiqot ishlari olib bormoqdalar.
