Maqsad: - Malakali yuridik kadrlar tayyorlash, “Yurisprudensiya” yo‘nalishi bo‘yicha chuqur nazariy bilim, amaliy ko‘nikma va kasbiy kompetensiyalarga ega mutaxassislarni tayyorlash;

- Huquqiy bilim va amaliy ko‘nikmalarni rivojlantirish, talabalarda qonunchilikni tahlil qilish, huquqiy muammolarni aniqlash va ularning qonuniy yechimlarini ishlab chiqish ko‘nikmalarini shakllantirish;

- Ilmiy-tadqiqot faoliyatini rivojlantirish, jinoyat huquqi, fuqarolik huquqi, jinoyat va fuqarolik protsessi hamda boshqa huquq sohalarining dolzarb masalalari bo‘yicha ilmiy izlanishlarni rivojlantirish;

- Ta’lim va amaliyot uyg‘unligini ta’minlash, talabalarni sud, advokatura, huquqni muhofaza qiluvchi organlar va boshqa yuridik faoliyat yo‘nalishlariga amaliy jihatdan tayyorlash;

- Huquqiy tafakkur va kasbiy mas’uliyatni shakllantirish, talabalarda qonuniylik, adolat, inson huquq va erkinliklariga hurmat hamda yuridik kasb etikasiga rioya qilish tamoyillarini rivojlantirish.

Vazifalar: - O‘quv jarayonini tashkil etish, “Yurisprudensiya” ta’lim yo‘nalishi bo‘yicha fanlarni zamonaviy pedagogik texnologiyalar asosida sifatli o‘qitish va o‘quv-uslubiy materiallarni muntazam takomillashtirish;

- Amaliy mashg‘ulotlarni kuchaytirish, sud hujjatlari, protsessual hujjatlar, huquqiy kazuslar va real amaliy holatlar asosida talabalarning kasbiy ko‘nikmalarini shakllantirish;

- Ilmiy ishlarni amalga oshirish, professor-o‘qituvchilar, magistrantlar va talabalarni ilmiy-tadqiqot ishlariga jalb etish, ilmiy maqola, tezis, darslik va o‘quv qo‘llanmalar tayyorlash;

- Huquqni qo‘llash amaliyotini o‘rganish, qonunchilikdagi o‘zgarishlar, sud amaliyoti va huquqni muhofaza qiluvchi organlar faoliyatini o‘rganish hamda ularni ta’lim jarayoniga joriy etish;

- Kasbiy hamkorlikni rivojlantirish, sudlar, advokatura, huquqni muhofaza qiluvchi organlar, davlat tashkilotlari va boshqa yuridik muassasalar bilan hamkorlikni yo‘lga qo‘yish hamda talabalarni amaliy faoliyatga tayyorlash.

Kafedra tarkibi va kadrlar salohiyati

Jami xodimlar: 14 nafar; dotsentlar: 2; PhD: 1; katta oʻqituvchilar: 2 nafar ; oʻqituvchilar: 10 nafar.

35 yoshgacha: 6; 60 yoshgacha: 5; 60 yoshdan yuqori: 3. Erkaklar: 14; ayollar: -. Ilmiy salohiyat: 24 %.

Taʼlim yoʻnalishlari va mutaxassisliklar

Bakalavriat: 60420100-«Yurisprudensiya» va 60420200-«Davlat va jamiyat boshqaruvi».

Magistratura: 70420101-«Advokatlik faoliyati» va 70420106-«Davlat boshqaruv huquqi».

Doktorantura (PhD, DSc): mavjud emas.

Ilmiy-tadqiqot va innovatsion faoliyat: Jinoyat huquqi va fuqarolik protsessi kafedrasining ilmiy-tadqiqot va innovatsion faoliyati jinoyat huquqi, fuqarolik huquqi, jinoyat va fuqarolik protsessi, sud-huquq tizimi hamda advokatura sohasidagi dolzarb muammolarni o‘rganish, qonunchilik va sud amaliyotini tahlil qilish, zamonaviy huquqiy tadqiqot metodlarini rivojlantirish, raqamli texnologiyalar va sun’iy intellekt imkoniyatlaridan huquqiy tadqiqotlarda samarali foydalanish, ilmiy natijalarni qonunchilikni takomillashtirish, huquqni qo‘llash amaliyoti va yuridik ta’lim jarayoniga joriy etishga qaratiladi.

Ilmiy loyihalar: -. Xoʻjalik shartnomalari: 14 ta; umumiy qiymati: 82 mln 806 ming soʻm.

Ilmiy laboratoriya/markaz: -

Ilmiy natijalar va nashrlar

Oʻquv qoʻllanmalar: 16; darsliklar: 6; monografiyalar: 4; ilmiy maqolalar: 200 dan ortiq.

OAK: 200 dan ortiq; Scopus: 2 ta; Web of Science: -.

Xalqaro hamkorlik

Hamkor xorijiy OTMlar: 3 ta. Qo‘shma ta’lim dasturi (3+1): Yurisprudensiya – Indoneziya oliy ta'lim muassasasi bilan 3+1 qo‘shma ta’lim dasturi yo‘lga qo‘yilgan.

Asosiy hamkorlar: Malayziyaning Utara universiteti, Muxtor Auezov nomidagi Janubiy Qozog‘iston davlat universiteti, Al Farobiy nomidagi Qozog‘iston milliy universiteti.

Talabalar faoliyati

Talabalar umumiy soni: 2108 nafar. Talabalar klublari: 5

- “Yil talabasi” ko‘rik-tanlovining Termiz davlat universiteti bosqichida Abdurofiyeva Nodirabonu — “Yilning eng yaxshi ijodkor talabasi” nominatsiyasida 1-o‘rin, Abdiqahhorov Davlatbek — “Yilning eng yaxshi targ‘ibotchi talabasi” nominatsiyasida
2-o‘rinni egallagan.

- “Dolzarb 90 kun” loyihasi doirasidagi “Rektor kubogi” onlayn tanlovida Qurbonova Sevara “Men sevgan asar” yo‘nalishida 2-o‘rin, Samadova Shohida “Mening O‘zbekistonim” yo‘nalishida 1-o‘rinni qo‘lga kiritgan.

- Respublika OTM talabalari o‘rtasida Mehnat huquqi modulidan o‘tkazilgan onlayn fan olimpiadasida Termiz davlat universiteti Yuridik fakulteti 3-bosqich talabalari Sarvar Xurramov va Muhammadqodir Normurotov 3-o‘rinni egallagan.

- Navoiy nomli davlat stipendiyasi sohiblari sifatida Yuridik fakulteti talabalari Raxmatullayeva Parizod Xolmamat qizi, Qurbonova Sevara Zayniddin qizi hamda Abdurofiyeva Nodirabonu Avaz qizi tasdiqlangan.

Respublika miqyosida o‘tkaziladigan intellektual tanlovlar, musobaqalarda talaba muntzam ravishda ishtirok etib, universitet sharafini munosib himoya qilib kelgan. Shunigdek, talabalarimiz universitet miqyosida o‘tkazilib kelinadigan barcha ko‘rik tanlov, olimpiada va boshqa musobaqalarda ham doimiy ravishda yuqori o‘rinlarni egallab kelmoqda.

Bitiruvchilarning ish bilan taʼminlanish darajasi: 95%

Kafedrada kunduzgi ta‘lim shakli 4-kurs va sirtqi ta‘lim shakli 5-kurs mavjud.

Infratuzilma va moddiy-texnika bazasi

Auditoriyalar: 21 ta; oʻquv laboratoriyalari: 1 ta; ilmiy laboratoriyalar: -; kompyuterlar: 40 ta.

Kutubxona fondi: 800 ta adabiyot; multimedia vositalari: 9 ta.