Kafedra tarixi: Pedagogika fakulteti tarkibida kafedra 2018-yil kafedra Musiqa ta’limi kafedrasidan ajralib chiqib “Tasviriy san’at va muhandislik grafikasi” nomi bilan o‘z ilmiy va amaliy faoliyatini boshlagan.

2019-yil kafedra “San’atshunoslik fakulteti tarkibida bo’lgan. 2021-yilda esa fakultetlar birikishi natijasida “Milliy libos va san’at” fakulteti tarkibiga kiritilgan.

Kafedraning tuzilishi va rivojlanishida p.f.n. (PhD), dotsent A.E. Turakulov, dotsent v.b. X.X.Xasanov va katta o‘qituvchi X.A.Turayevlar katta xissa qo‘shgan. 2018-yil avgust oyidan boshlab kafedraga katta o‘qituvchi Turayev Xumoyiddin Abdug‘afforovich mudirlik qilgan.

Kafedra shu davrda 9 nafar professor-o‘qituvchilar bilan ish boshlagan bo‘lib, ulardan 1 nafar fan nomzodi, 1 nafar dotsent v.b. va 2 nafari katta o‘qituvchilar edi. Kafedrani dotsent v.b. X.A.Turayev boshqarib kelmoqda. Qisqa muddatda kafedra malakali kadrlar bilan ta’minlanib, professor-o‘qituvchilarning soni va sifati oshirilgan. Kafedra jamoasi oldiga kafedra tarkibiga kiruvchi barcha bakalavriat, sirtqi va magistratura mutaxassisliklari bo‘yicha yetuk va raqobatbardosh kadrlarni tayyorlash, uslubiy va o‘quv qo‘llanmalar hamda darsliklar tayyorlash, mutaxassislik bo‘yicha ilmiy va amaliy tadqiqot ishlarini olib borish asosiy vazifa etib belgilangan. Kafedra mudiri p.f.f.d. (PhD), dotsent X.A. Turayev tashabbusi bilan 2023-yil 8-iyulda kafedra nomi “Badiiy grafika va dizayn” nomiga o‘zgartirildi.

TERMIZ DAVLAT UNIVERSITETI
“BADIIY GRAFIKA VA DIZAYN” KAFEDRASI PASPORTI