1. Kafedraning asosiy maqsadi

Ingliz tili va adabiyoti kafedrasining asosiy maqsadi — xorijiy filologiya, tarjimashunoslik hamda tilshunoslik sohalari bo‘yicha zamonaviy nazariy bilim, chuqur amaliy va muloqot ko‘nikmalariga ega, mustaqil fikrlaydigan, ilmiy-tadqiqot faoliyatini olib borishga qodir, raqobatbardosh va yuqori malakali ingliz tili mutaxassislarini tayyorlash hamda xorijiy tillar va adabiyot sohasida ta’lim, ilmiy-tadqiqot faoliyatini rivojlantirishdan iborat.

Kafedraning asosiy vazifalari

• Ingliz tili, adabiyoti, tarjima nazariyasi va amaliyoti fanlarini ilg‘or xorijiy tajribalar va zamonaviy pedagogik texnologiyalar asosida o‘qitish hamda ta’lim sifatini ta’minlash.

• Talabalarda ingliz tilining fonetik, leksik-semantik, grammatik va stilistik tuzilishi, diskurs tahlili hamda jahon adabiyoti bo‘yicha chuqur fundamental bilimlarni shakllantirish.

• Lingafon va multimedia vositalaridan foydalangan holda talabalarda og‘zaki va yozma tarjima, akademik yozuv hamda erkin kasbiy muloqot ko‘nikmalarini rivojlantirish.

• Tilning leksik-semantik tizimini chog‘ishtirma-tipologik o‘rganish, lingvomadaniyashunoslik, kognitiv tilshunoslik va tarjimashunoslikning dolzarb muammolari bo‘yicha ilmiy-tadqiqot ishlarini olib borish.

• Iqtidorli talabalar va yosh tadqiqotchilarni ilmiy faoliyatga jalb qilish, ularning ilmiy maqola, tezis, BMI va magistrlik dissertatsiyalarini tayyorlashiga ko‘maklashish.

• Zamonaviy raqamli texnologiyalar, elektron ta’lim platformalari va xalqaro o‘quv resurslarini ta’lim hamda ilmiy jarayonlarga keng tatbiq etish.

• O‘quv-uslubiy ta’minotni takomillashtirish, zamonaviy fan dasturlari, darsliklar, o‘quv va uslubiy qo‘llanmalarni muntazam yaratish hamda yangilab borish.

• Professor-o‘qituvchilarning ilmiy va kasbiy salohiyatini oshirish, xalqaro e’tirofdagi jurnallarda maqolalar chop etish faolligini rivojlantirish hamda xalqaro ilmiy hamkorlikni kengaytirish.

• Respublika va xorijiy yetakchi oliy ta’lim muassasalari, ilmiy markazlar hamda amaliyot bazalari bilan o‘zaro manfaatli ilmiy-amaliy hamkorlikni mustahkamlash.

• Talabalarda kasbiy kompetensiya, madaniyatlararo muloqot madaniyati, akademik halollik va yuksak ma’naviy-axloqiy fazilatlarni shakllantirish.

• Mehnat bozori talablariga to‘la javob beradigan, xalqaro standartlarga mos, raqobatbardosh filolog va tarjimon kadrlarni tayyorlash.

Kafedraning strategik yo‘nalishi Ingliz tili va adabiyoti kafedrasining strategik yo‘nalishi — ta’lim va ilmiy-tadqiqot faoliyatini xalqaro standartlar darajasida tashkil etish, professor-o‘qituvchilarning ilmiy salohiyatini yuksaltirish, nufuzli xorijiy OTMlar bilan akademik aloqalarni kengaytirish hamda zamonaviy innovatsion metodlar asosida xalqaro mehnat bozorida talab yuqori bo‘lgan yetuk mutaxassislarni yetishtirib chiqarishdan iborat.

2. Kafedra tarkibi va kadrlar salohiyati Jami xodimlar: 27 nafar; professorlar: 0; dotsentlar: 5; DSc: 4; PhD: 9; katta o‘qituvchilar (ilmiy darajasiz): 3; o‘qituvchilar: 7; stajyor-o‘qituvchilar: 2. 35 yoshgacha: 10; 60 yoshgacha: 16; 60 yoshdan yuqori: 1. Erkaklar: 8; ayollar: 19. Ilmiy salohiyat: 48.1%.

3. Taʼlim yoʻnalishlari va mutaxassisliklar

Bakalavriat:

• 60230100 – Filologiya va tillarni o‘qitish (ingliz tili) (kunduzgi, kechki)

• 60230200 – Tarjima nazariyasi va amaliyoti (ingliz tili) (kunduzgi, kechki)

Magistratura:

• 70230101 – Lingvistika (ingliz tili)

Doktorantura (PhD, DSc):

• 10.00.06 – Qiyosiy adabiyotshunoslik, chog‘ishtirma tilshunoslik va tarjimashunoslik

4. Ilmiy-tadqiqot va innovatsion faoliyat

• Asosiy ilmiy yoʻnalish: Tilning leksik-semantik tizimini chog‘ishtirma-tipologik o‘rganishning dolzarb muammolari: diaxroniya va sinxroniya.

• Ilmiy loyihalar va grantlar: 0 ta.

• Xoʻjalik shartnomalari: 0 ta.

• Ilmiy laboratoriya/markaz: Termiz davlat universiteti Xorijiy filologiya fakulteti ilmiy-tadqiqot bazasi.

5. Ilmiy natijalar va nashrlar O‘quv qo‘llanmalar: 4; darsliklar: 0; o‘quv-uslubiy qo‘llanmalar: 3; ilmiy risolalar: 1; monografiyalar: 6; ilmiy maqolalar: 300 dan ortiq. OAK: 100 dan ortiq; Xorijiy nashrlar: 100 dan ortiq; Respublika va xalqaro anjumanlar: 100 dan ortiq.

6. Xalqaro hamkorlik Hamkor xorijiy OTMlar: 4 ta (Balx davlat universiteti, Tojikiston milliy universiteti, Tojikiston-Rossiya Slavyan universiteti, Moskva davlat chet tillar instituti). Qoʻshma tadqiqotlar: 1 ta. Akademik almashinuv: o‘qituvchilar 2 nafar, talabalar 10 nafar.

Asosiy hamkorlar:

1. O‘zbekiston davlat jahon tillari universiteti

2. O‘zbekiston milliy universiteti

3. Samarqand davlat chet tillar instituti

4. Samarqand davlat universiteti

5. Jizzax davlat pedagogika universiteti

6. Buxoro davlat pedagogika universiteti

7. Balx davlat universiteti (Afg‘oniston)

8. Tojikiston milliy universiteti (Tojikiston)

9. Tojikiston-Rossiya Slavyan universiteti (Tojikiston)

10. Moskva davlat chet tillar instituti (Rossiya)

7. Talabalar faoliyati Talabalar umumiy soni: 705 nafar (Bakalavriat: 663 nafar, Magistratura: 42 nafar). Talabalar klublari va to‘garaklari: “GLOBUS” teatr studiyasi, “Ijodkor yoshlar” klubi, “English on the stage”, “Creative and talented students club”. So‘nggi 3 yilda olimpiada/tanlov g‘oliblari: 4 nafar; xalqaro anjuman ishtirokchilari: 12 nafar. Stipendiya sohiblari: 2 nafar. Bitiruvchilarning ish bilan taʼminlanish darajasi: 92%.

8. Infratuzilma va moddiy-texnika bazasi Auditoriyalar: 12 ta; o‘quv laboratoriyalari / lingafon xonalari: 2 ta; kompyuter xonalari: 1 ta; kompyuterlar: 25 ta. Kutubxona fondi: 1200 ta adabiyot; multimedia vositalari: 14 ta.

Ingliz tili va adabiyoti kafedrasi professor o'qituvchilarining xalqaro ilmiy profillari haqida ma'lumot