FAKULTET HAQIDA MA’LUMOT

Fakultet maqsadi. Tarix fakultetining asosiy maqsadi - tarix fanlari bo‘yicha chuqur bilim va zamonaviy ilmiy-tadqiqot ko‘nikmalariga ega, mustaqil va tanqidiy fikrlaydigan, raqobatbardosh hamda yuqori malakali mutaxassislarni tayyorlash, tarixiy-madaniy merosni o‘rganish va asrab-avaylash, ilmiy tadqiqotlarni rivojlantirish hamda jamiyatning ma’naviy-ma’rifiy taraqqiyotiga munosib hissa qo‘shadigan mutaxasislarni tayyorlashdan iborat. Fakultet tarkiban quyidagi 5 ta kafedradan iborat:

1. O‘zbekiston tarixi va manbashunoslik kafedrasi
2. Jahon tarixi kafedrasi
3. Arxeologiya kafedrasi
4. Falsafa kafedrasi
5. Psixologiya kafedrasi

Fakultet professor-o‘qituvchilarining umumiy soni 81 nafar bo‘lib, shundan:

- 8 nafar — Fan doktori (DSc);

- 39 nafar — Fan nomzodi va PhD;

- 3 nafar — Katta o‘qituvchilar;

- 31 nafar — O‘qituvchilar;

Fakultet tarixi. Fakultetning tashkil etilishi va ilk ilmiy-pedagogik poydevori 1960-yillarga borib taqaladi. Universitetda ko‘p yillardan buyon malakali tarix mutaxassislari tayyorlanmoqda. 1967-1968 o‘quv yilidan boshlab tarix-geografiya bo‘limi tashkil etilib, talabalar soni 50 nafar bo‘lgan. 1977-1978 o‘quv yilida talabalarning soni orta borishi munosabati bilan Termiz davlat pedagogika instituti rektorining maxsus buyrug‘i bilan tarix va xorijiy tillar fakulteti tashkil qilindi. 1977-1982 yillarida fakultet dekani etib tajribali pedagog, dotsent B. Jabborov(marxum) faoliyat ko‘rsatdi. 1982-1992 o‘quv yillarida fakultet dekanligini t.f.n. dots. K.Avliyoqulov (marxum), 1993-1997 yillar prof. X.Turayev(marxum), 1997-2002 o‘quv yilida dots. X.Toshpulatov (marxum), 2002-2004 o‘quv yilida dots. A.Isayev (marxum), 2004-2009 o‘quv yilida t.f.d. Sh.Shaydullayev, 2009-2011 o‘quv yilida t.f.d. E.Qobilov, 2011-2012 o‘quv yilida dots. N.Mallayev, 2012-2019 yil mart f.f.n. R.Norliyev, 2019-2021 yil may oyigacha tarix fanlari doktori E.Qabulovlar, 2021-2023 yil may oyigacha tarix fanlari doktori X.E.Xolmo‘minovlar faoliyat ko‘rsatishdi. Hozirda fakultet dekani tarix fanlari bo‘yicha falsafa doktori, Sh.B.Abdulloyev lavozimida ishlab kelmoqda. Bu yillar mobaynida fakultet professor-o‘qituvchilari son va sifat jihatidan o‘sdi. M.Oltinov, Z.Mirzayev, Sh.Samadov, E.Bobomurodov, S.Tursunov, Sh. Shaydullayev, E.Qabulov, T.Pardayev, X.Xolmo‘minov, N. Tursunov, M.Fayzullayeva, H.M.Rasulovlar fan doktori, J. Shoymurodov (marhum), X.Toshpo‘latov (marxum), B.Qodirov, A.Isayev (marxum), T.Annayev, J.Mirzayev, J.Tursunov,. U.Mustafoyev, X.Bekmurodov, A.Tuxtayev, Z.Xoliqov, M.Fayzullayeva, X.Xolmuminov, U.Xudaykulov, R.Norliyev, B.Raximov, F.Yormatovlar, fan nomzodi, S. Turopovalar falsafa doktori (PhD) ilmiy darajasini olish uchun o‘z dissertatsiyalarini himoya qilgan bo‘lsalar. 2020-yilda N.Ikromov, O.Isayev, O.Xamidovlar dissertatsiyasini muvafaqqiyatli himoya qilishdi. 2021-yil fakultetimizda ilmiy ishlar himoyalar soni samarali tarzda ortdi. Jumladan, M.Turapova, D.Yangiboyeva, A.Bakiyev, U.Shapulotov, A.Qurbonov, S.Kushakov, A.Shodmonov, A.Fayziyev, M.Rahmonov, S.Choriyev, M.Raimov, M.Jumayevlar tarix fanlari bo‘yicha falsafa doktori (PhD) ishini himoya qilgan bo‘lsa, H.MRasulovlar tarix fanlari doktori (DSc) ilmiy darajasini muvafaqqiyatli himoya qilishdi.. Bugungi kunda ushbu boy akademik an’ana va ilmiy maktabni munosib davom ettirgan holda, ularning izdoshlari bo‘lmish yetakchi olimlarimiz - tarix fanlari doktorlari, professorlar Sh. Shaydullayev, S.Tursunov va boshqa ko‘plab tadqiqotchilar fakultetning ilmiy va pedagogik salohiyatini yangi bosqichga olib chiqmoqdalar. Hozirgi kunda fakultetda quyidagi ta’lim yo’nalishi va mutaxassisliklarda mutaxassislar tayyorlanmoqda.

Fakultet dekani. Tarix fanlari bo‘yicha falsafa doktori (PhD), professor

Abdulloyev Shuhratjon Boboismoilovich

Dekanning koporativ e-maili: abdulloyevsh@tersu.uz

Tel: +998 (90)-294-44-55

Fakultetning xalqaro hamkorlik faoliyati. Tarix fakulteti ta’lim sifatini xalqaro standartlarga moslashtirish, ilg‘or xorijiy tajribalarni tatbiq etish hamda ilmiy-akademik mobillikni ta’minlash maqsadida xalqaro hamkorlik faoliyatini izchil rivojlantirib kelmoqda. Bugungi kunda fakultet Yevropa va Osiyoning yetakchi oliy ta’lim muassasalari hamda nufuzli xalqaro tashkilotlari, ilmiy tadqiqot insitutlari va universitetlari bilan ikki tomonlama shartnoma va anglashuv memorandumlari (MoU) doirasida faol aloqalarni yo‘lga qo‘ygan. • Xitoy Xalq Respublikasi Shimoli-G‘aribiy universiteti Madaniy meros maktabi, Chexiya Respublikasining Karlova universiteti, Fransiya Respublikasining Milliy ilmiy tadqiqot markazi, Lion 2 universiteti, Arxeorent laboratoriyasi, Nantera universiteti O‘rta Osiyo arxeologiyasi laboratoriyasi, Italiyaning Salento universiteti, Rossiya Fanlar Akademiyasi Arxeologiya inistituti, Amerika Qo‘shma Shtatlarining Kaliforniya universiteti, Belarus davlat universiteti, Tojikistonning Panjikent pedagogika instituti, Al Farobiy nomidagi Qozog‘iston Milliy universiteti, M. Avuezov nomidagi Janubiy Qozog‘iston universiteti, Rossiya Federatsiyasining Qozon federal universiteti, Rossiya Federatsiyasining Tatariston Fanlar Akademiyasi kabi ilmiy markazlar hamkorlikda xalqaro faoliyatini amalga oshirib kelmoqda. Ushbu tizimli sa’y-harakatlar fakultetning xalqaro jozibadorligini va bitiruvchilarning global mehnat bozoridagi raqobatbardoshligini oshirishga xizmat qilmoqda.