Tahririy-nashriyot bo‘limi faoliyati: O‘zbekiston Respublikasining “Ma’muriy tartib-taomillari to‘g‘risida” Qonunining 59-moddasiga, O‘zbekiston Respublikasi Prezidentining 2023-yil 3-iyuldagi “Ma’muriy islohotlar doirasida oliy ta’lim, fan va innovatsiyalar sohasida davlat boshqaruvini samarali tashkil qilish chora-tadbirlari to‘g‘risida” PQ-200-son qarori ijrosini ta’minlash, respublikada amalga oshirilayotgan ilmiy-tadqiqot ishlarining sifatini oshirish, ilmiy etiket normalarini tatbiq qilish, ilmiy noshirlik faoliyatida ko‘chirmachilikni aniqlash bo‘yicha axborot tizimini joriy etish maqsadida Tahririy-nashriyot bo‘limi faoliyati takomillashtirildi.
Respublikada amalga oshirilayotgan ilmiy-tadqiqot ishlarining sifatini oshirish, ilmiy etiket normalarini tatbiq qilish, ilmiy noshirlik faoliyatida ko‘chirmachilikni aniqlash hamda oldini olish bo‘yicha axborot tizimini joriy etish, mavjud barcha ilmiy jurnallar faoliyatini takomillashtirish, ularda chop etilayotgan maqolalarning sifatini oshirish va nufuzli xalqaro ilmiy-texnik ma’lumotlar bazalariga indeksatsiyalash ishlarini amalga oshirish vazifalari belgilandi: Universitet professor-o‘qituvchi va boshqa xodimlar, doktorantlar, mustaqil izlanuvchilar, magistrlar, talabalar va boshqa shaxslar (mualliflar) tomonidan tayyorlangan ilmiy, ilmiy-usubiy, ilmiy-ommabop, o‘quv, o‘quv-uslubiy va boshqa materiallarni hamda universitet davriy nashrlarini tahrir qiladi va nashrga tayyorlash ishlarini muvofiqlashtiradi. Materiallar sifatini yaxshilash, zamon talablariga moslash, xorijiy adabiyotlarni tarjima qilish borasida universitet kafedralari faliyatini muvofiqlashtiradi. Oliy ta’lim muassasasi Kengashi majlislarida, rektoratda, fakultet va kafedralar majlisi va yig‘inlarida nashriyot bo‘limi manfaatlarini o‘z vakolati doirasida himoya qiladi va amalga oshiradi (ayni damda bo‘lim boshlig‘i shtati mavjud emas, vazifasi muharrirga yuklatilgan).
Tahririy-nashriyot bo‘limi quyidagi ishlarni amalga oshiradi:
Termiz davlat universitetida “TerDU xabarlari” ilmiy-uslubiy jurnali nashr etib kelinmoqda. Jurnalning tahrir hay’ati tarkibiga Italiya, Fransiya, Chexiya, Yaponiya, Hindiston, Malayziya, AQSh, Rossiya, Belarus, Tojikiston, Qozog‘iston, Ozarbayjon kabi mamlakatlarning nufuzli olimlari ham kiritilgan va bugungi kunda chop etilayotgan maqolalarning sifati yuqoriligiga erishildi. “TerDU xabarlari” ilmiy-uslubiy jurnalining elektron sayti yaratildi: (https://journals.tersu.uz/index.php/1/issue/view/3). Jurnalning arxiv sonlari va yangi chop etilayotgan sonlari saytga joylashtirib borilmoqda.
Muharrir vazifalari:
- mualliflar tomonidan tayyorlangan o‘zbek, rus va ingliz tillardagi materillarni qabul qiladi, tahrir qiladi va nashrga tayyorlash borasida xulosa beradi;
- materiallarni tilshunosliknnig uslubiy, imloviy va punktuatsion qonun-qoidalari asosida tahrirdan o‘tkazadi;
- tahrir ishlari samaradorligini oshirish maqsadida mualliflar bilan hamkorlikda ishlaydi;
- tahrir qilingan materiallar monitoringini yuritadi va ular asosida hisobotlar tayyorlaydi.
Musahhih vazifalari:
- ilmiy materiallarni tahrirdan o‘tganidan so‘ng imloviy va uslubiy xatolarini tekshiradi;
- xato va kamchiliklarni tuzatish borasida mualliflar bilan hamkorlikda ishlaydi;
- nashr etish qoidalariga rioya qiladi;
- zamonaviy texnologiyalarni tatbiq etadi.
