Termiz davlat universiteti Indoneziya Respublikasining yetakchi oliy ta’lim muassasalaridan biri — Universitas Pendidikan Indonesia (UPI) bilan xalqaro ta’lim va ilmiy hamkorlikni rivojlantirib kelmoqda.
Bandung shahrida joylashgan UPI 1954-yilda tashkil etilgan bo‘lib, pedagogika va ta’lim sohasida Indoneziyaning yetakchi davlat universitetlaridan biri hisoblanadi.
Universitet bugungi kunda ta’lim bilan bir qatorda ijtimoiy, tabiiy, iqtisodiy, axborot texnologiyalari va boshqa yo‘nalishlarda ham yuqori malakali mutaxassislar tayyorlaydi.
Ikki universitet o‘rtasidagi hamkorlik doirasida bakalavriat va magistratura bosqichlarida jami 7 ta qo‘shma ta’lim dasturi yo‘lga qo‘yilgan. Bakalavriat bosqichida 3+1 modeli asosida Yurisprudensiya, Iqtisodiyot va Psixologiya yo‘nalishlari, magistratura bosqichida esa 1+1 modeli asosida Kompyuter tizimlari va ularning dasturiy ta’minoti, Biologiya, Iqtisodiyot hamda Lingvistika: ingliz tili mutaxassisliklari bo‘yicha ta’lim tashkil etilgan. Mazkur dasturlar TerDU talabalariga ta’limning muayyan qismini Universitas Pendidikan Indonesiada davom ettirish, xalqaro akademik muhitda bilim va tajriba orttirish, xorijiy professor-o‘qituvchilar bilan ishlash hamda kasbiy va til kompetensiyalarini rivojlantirish imkonini beradi. TerDU rasmiy ma’lumotiga ko‘ra, hamkorlik doirasidagi dasturlar amaliy bosqichga o‘tgan va TerDU magistrantlari UPI’da tahsil olmoqda.
Bakalavr uchun kontrakt miqdori
60420100 – Yurisprudensiya
60410100 – Iqtisodiyot
60310300 – Psixologiya
Qabul kvotasi: 50 nafar
Magistratura uchun kontrakt miqdori
70610101 – Kompyuter tizimlari va ularning dasturiy ta'minoti
70510101 – Biologiya
70410102 – Iqtisodiyot
70230101 – Lingvistika: ingliz tili
Universitas Pendidikan Indonesia rasmiy sayti: https://www.upi.edu/
