Talabalar amaliyoti bo‘limi boshlig‘i:

- bo‘limning barcha faoliyati va xodimlarini umumiy boshqarish; 

- bo‘limning ish rejalarini tuzish va ularning ijrosini ta’minlash;

- bo‘limning maqsadidan kelib chiqib universitetda mutasaddi bo‘lgan bo‘linma va kafedralar, professor-o‘qituvchilar bilan dasturlarni ko‘rib chiqish, amaliyotchi-rahbarlar bilan ish olib borish va faoliyatini muvofiqlashtirish;

- ta’limga oid qonunchilik hujjatlari, Prezident farmonlari, qarorlari, farmoyishlari, Vazirlar Mahkamasining qarorlari, Oliy ta’lim, fan va innovatsiyalar vazirining buyruqlari, Vazirlik Hay’ati qarorlari, yo‘riqnoma xat va telefonogrammalarini, shuningdek, universitet rektori buyruqlarini fakultetlar, kafedralar, tegishli bo‘limlarda bajarilishini ta’minlaydi va monitoringini olib boradi;

- bo‘lim xodimlarining xizmat vazifalarini taqsimlash, ularga yuklatilgan vazifalarni o‘z vaqtida va to‘laqonli bajarilishini, universitetning ichki nizomi va tartib qoidalariga rioya qilishini nazorat qiladi;

- shahar va tuman hokimliklari, kambag‘allikni qisqartirish va bandlik bo‘limlari yordamida korxona, tashkilot, firmalar bilan hamkorlik memorandumlari tuzilishini ta’minlaydi;

- universitetda kunduzgi va muqobil ta’lim shakllarida tahsil olayotgan talabalarning malakaviy amaliyotlarini tashkil qilish bo‘yicha ish beruvchilar bilan shartnomalar tuzilishini ta’minlaydi;

- amaliyotlarni joyiga chiqqan holda o‘rganadi va nazoratni amalga oshiradi;

- korxona va tashkilotlarga amaliyot boshlanishidan bir hafta oldin malaka amaliyotiga yuborilayotgan talabalar ro‘yxatini taqdim etilishini nazorat qiladi;

- korxonalar va tashkilotlarga amaliyotchi-talabalarni amaliyot o‘tkazish rejasiga muvofiq yuborilayotgan rahbarlariga o‘z vaqtida uslubiy yordam ko‘rsatadi;

- amaliyot rahbarlari sifatida malakali professor-o‘qituvchilar ajratilishini nazoratga oladi;

- korxonalar va tashkilotlarda ulardagi mutaxassislar bilan amaliyot o‘tkazishga doir ma’ruzalar, ekskursiyalar, shu korxonalar bazasida o‘quv mashg‘ulotlari o‘tkazishni tashkil etish rejasini tuzib chiqadi;

- odob-axloq, mehnat muhofazasi va texnika xavfsizligi bo‘yicha o‘tkazilgan tushuntirish ishlarini nazorat qilish, shuningdek, amaliyotchi-talabalarni amaliyot davrini to‘liq monitoringini amalga oshiradi;

- talabalarning korxonalar ishchi xizmatchilari uchun belgilab qo‘yilgan ichki tartib qoidalarga mehnat intizomiga qat’iy rioya etishlarini ta’minlaydi;

- korxona va tashkilotlar tomonidan amaliyot rahbarlariga uslubiy yordam ko‘rsatadi;

- kelgusi o‘quv yili uchun malakaviy amaliyotga qabul qiluvchi tashkilotlar bilan hamkorlik shartnomalarini tuzish va malakaviy amaliyot boshlanishidan ikki oy oldin talabalarga malakaviy amaliyoti reja-jadvali hamda dasturini taqdim etadi;

- ta’lim yo‘nalishlari va magistratura mutaxassisliklari bo‘yicha malakaviy amaliyoti buyruqlari loyihalarini shakllantiradi;

- universitet Kengashiga malakaviy amaliyotlarning o‘tkazilishi yuzasidan tahliliy ma’lumotlar, malakaviy amaliyot jarayonlarini takomillashtirish yuzasidan takliflar tayyorlaydi, muhokamaga olib chiqadi va hisobot beradi.

Bosh mutaxassis:

- barcha turdagi amaliyotlarning korxona, tashkilot yoki muassasada o‘tashini tashkillashtiradi;

- talabalar amaliyot o‘tash uchun yuboriladigan korxonaga amaliyot boshlanishidan bir hafta oldin talabalar ro‘yxatini taqdim etadi;

- navbatdagi o‘quv yili uchun malakaviy amaliyotga qabul qiluvchi tashkilot bilan shartnomalar tuzish va malakaviy amaliyoti boshlanishidan ikki oy oldin talabalar malakaviy amaliyoti reja-jadvali hamda dasturi tasdiqlanishi ta’minlaydi;

- har bir ta’lim yo‘nalishlari (mutaxassisliklari) bo‘yicha malakaviy amaliyoti buyruqlarining loyihalarini shakllantiradi;

- malakaviy amaliyot o‘tkaziladigan obyektlarda xavfsizlik choralarini belgilash va qabul qilish bo‘yicha qabul qiluvchi tashkilotlarini rasmiy xat bilan xabardor qiladi;

- talabalarning malakaviy amaliyotini o‘tash joyiga yetib borishi va qaytishini kafedra mudirlari hamda fakultet dekanlari nazoratida tashkil qiladi;

- qabul qiluvchi tashkilotlar bilan talabalarni yashash joylari va ovqatlanish masalalarini dekanat (kafedra) bilan kelishilgan holda tashkil etadi;

- qabul qiluvchi tashkilotlarda malakaviy amaliyot reja-jadvali va dasturi bajarilishi, talabalar hisoboti mavjudligi va hisobot himoyasi tashkil qilinganligini nazorat qiladi;

- talabalarning malakaviy amaliyoti bazalarini aniqlash maqsadida korxonalar, tashkilotlar va xususiy xo‘jaliklar bilan aloqalar o‘rnatish hamda shartnomalar tuzish, ish beruvchilar (iste’molchilar)ning bitiruvchilar haqidagi fikrlari (e’tirozlari, yosh mutaxassisning kamchiliklari, rad qilinishi sabablari, yutuq va kamchiliklari) va ta’lim sifatini oshirish (ta’lim dasturlarini takomillashtirish) yuzasidan takliflari asosida amaldagi ta’lim mazmuniga muayyan o‘zgartirishlar kiritish bo‘yicha takliflar ishlab chiqadi;

- korxonalarga amaliyotchi-talabalarni amaliyot o‘tkazish rejasiga muvofiq o‘z vaqtida yuborilayotgan rahbarlariga uslubiy yordam ko‘rsatadi;

- amaliyot rahbarlari sifatida malakali professor-o‘qituvchilari biriktirilishini nazoratga oladi;

- korxonalarda ulardagi mutaxassislar bilan amaliyot o‘tkazishga doir ma’ruzalar, ekskursiyalar, shu korxonalar bazasida o‘quv mashg‘ulotlari o‘tkazishni tashkil etish rejasini tuzadi;

- odob-axloq, mehnat muhofazasi va texnika xavfsizligi bo‘yicha o‘tkazilgan tushuntirishlarni, shuningdek, amaliyotchi-talabalarni amaliyot o‘tayotganligini doimiy monitoringini amalga oshiradi;

- talabalarning korxona va tashkilotlardagi belgilangan ichki tartib qoidalar va mehnat intizomiga qat’iy rioya etishlari yuzasidan tushuntirishlar berilishini ta’minlaydi;

- korxona va tashkilotlar tomonidan amaliyot rahbarlariga uslubiy yordam ko‘rsatilishini tashkil etadi.