Tarixchi. Tarix fani oʻqituvchisi
Dastur maqsadi: tarix fanining nazariy asoslari, zamonaviy metodologiyasi va tarixiy tadqiqot usullarini puxta egallagan, O‘zbekiston va jahon tarixini ilmiy hamda tanqidiy yondashuv asosida tahlil qila oladigan, tarixiy manbalar bilan ishlash ko‘nikmalariga ega, milliy va umuminsoniy qadriyatlarni anglaydigan hamda tarix fanini zamonaviy pedagogik va raqamli ta’lim texnologiyalari asosida o‘qitishga tayyor, ilmiy-tadqiqot, ta’lim, madaniy merosni muhofaza qilish, arxiv, muzey, turizm va davlat boshqaruvi tizimida samarali faoliyat yurita oladigan raqobatbardosh bakalavrlarni tayyorlashdan iborat. Dastur talabalarda tarixiy tafakkur, tanqidiy fikrlash, akademik halollik, kommunikativ, raqamli va fanlararo yondashuv kompetensiyalarini rivojlantirish hamda ta’lim jarayonini natijaga yo‘naltirilgan ta’lim (Outcome-Based Education) va uzluksiz sifatni ta’minlash tamoyillari asosida tashkil etish orqali bitiruvchilarning milliy va xalqaro ilmiy-ta’lim makoni hamda mehnat bozorida raqobatbardoshligini ta’minlashga yo‘naltirilgan.
Diplom nomi
Bakalavr
Mutaxassislik
Jami kreditlar
240/7200 soat
Davomiyligi
4 yil
O'qish narxi
Mahalliy talabalar uchun — Stipendiyali: - 14 976 040 UZS Stipendiyasiz: - 8 140 000 UZS
Xorijlik talabalar uchun — Stipendiyali: - 1 242 $ USD Stipendiyasiz: - 675 $ USD
Dasturning ta’limiy natijalari/kompetensiyalar:
davlat siyosatining dolzarb masalalarini bilishi, ijtimoiy-iqtisodiy muammolar va jarayonlarni mustaqil tahlil qila olish;
mantiqiy fikrlashni rivojlantirish, to‘g‘ri xulosa chiqarish, ilmiy madaniyatni shakllantirish;
xorijiy tillardan birida kasbiy faoliyatiga oid hujjatlar va ishlar mohiyatini tushunishi, tabiiy ilmiy fanlar bo‘yicha kasbiy faoliyati doirasida zaruriy bilimlarga ega bo‘lishi hamda ulardan zamonaviy ilmiy asosda kasb faoliyatida foydalana bilish;
axborot texnologiyalarini kasbiy faoliyatida qo‘llay bilishi, axborotlarni yig‘ish, saqlash, qayta ishlash va ulardan foydalanish usullarini egallagan bo‘lishi, faoliyatiga mustaqil asoslangan qarorlar qabul qila olishi;
yangi bilimlarni mustaqil egallay bilishi, o‘z ustida ishlashi va mehnat faoliyatini ilmiy asosda tashkil qila olishi;
sog‘lom turmush tarzi va unga amal qilish zarurati to‘g‘risida tasavvurga ega bo‘lish;
tarix bilim sohasi uchun zarur bo‘lgan fundamental fanlarni chuqur o‘rganishning ilmiy va nazariy asoslarini ta’minlashi;
bilimlarni yo‘naltirishda muhim hisoblangan fundamental umumkasbiy bilimlarni, amaliyotdagi qobiliyat va yangiliklarni shakllantirishi;
tarix ta’lim sohasi yo‘nalishidagi ixtisoslik fanlarini o‘rganish va chuqur egallash uchun zarur bo‘lgan fundamental umumkasbiy bilimlarni, amaliy ko‘nikma va o‘quvlarni shakllantirishi;
mutaxassislik fanlarini o‘zlashtirishni ta’minlash, tarix fani sohalari bo‘yicha ma’lumotlarga ega bo‘lish va qayta ishlash metodlaridan zaruriy bilimga ega bo‘lish;
tarix ta’lim yo‘nalishida olingan ma’lumot va natijalarni qayta ishlash yo‘riqlariga oid bilimlarni amalda qo‘llash ko‘nikmalarini
ta’minlashi lozim; tarix ta’lim sohasidagi talabalarining kasbiy faoliyatiga muvofiq butun jahon va mamlakatimizda sohadagi mavjud muammolar, erishilgan yutuqlar va sohani rivojlantirish istiqbollari haqida tasavvur hosil qilishi;
tarixiy yozma manbalar unumli foydalanish, ulardan tarixiy tadqiqotlarda foydalana olish bo‘yicha muhim bilimlar olishini ta’minlashi; tarix ta’lim sohasidagi talabning muayyan magistratura mutaxassisligi bo‘yicha kelgusida ta’limni davom ettirishga ongli munosabatda bo‘lishiga ko‘maklashishi; umumiy pedagogika nazariyasi, o‘qitish jarayoni, o‘qitishning ta’limiy, tarbiyaviy va rivojlantiruvchi vazifalari; ta’limda ilmiylik, izchillik, muvofiqlik, ijodiylik va boshqa prinsiplar; ta’lim jarayonida motivatsiya; ta’lim metodlari, vositalari va texnologiyalari; umumiy va xususiy metodlar; umumiy pedagogik texnologiyalar; ta’lim tizimini boshqarish; pedagogik mahorat; umumiy psixologiya: umumiy psixologiyaning sohalari, yosh va pedagogik psixologiya: ta’limni va bilimlarni o‘zlashtirishni boshqarish psixologiyasi; ta’lim va aqliy taraqqiyot; tarbiya metodlari va formalari; bo‘lg‘usi o‘qituvchi shaxsi sifatlari; pedagogik qobiliyat; nazariya va amaliyot haqida bilim berish borasida ilmiy bilimlar, amaliy mahorat va ko‘nikmalariga ega bo‘lishi kerak.
Kasbiy faoliyat sohalari (Qaysi sohalarda ishlashi mumkin): Fan sohasidagi bakalavriat ta’lim yo‘nalishi bo‘lib, umumiy o‘rta, o‘rta maxsus, professional ta’lim muassasalarida ta’lim yo‘nalishiga oid fanlarni o‘qitish; O‘zbekiston Respublikasi Fanlar
akademiyasi va tarmoq ilmiy-tadqiqot institutlari, davlat boshqaruvi organlari, umumiy o‘rta, o‘rta maxsus kasbiy ta’limning davlat va nodavlat muassasalarida kompleks masalalar bilan bog‘liq kasbiy sohalar majmuasini qamrab oladi.
Kasbiy faoliyat obyektlari: (Qaysi tashkilotlarda ishlashi mumkin):
O‘zbekiston Respublikasi Fanlar akademiyasi va tarmoq ilmiy-tadqiqot institutlarida; umumiy o‘rta, o‘rta maxsus, professional ta’lim muassasalarida; ijtimoiy faoliyatlar doirasida barcha ishlab chiqarish obyektlarida; turizmni rivojlantirishga yo‘naltirilgan idora va tashkilotlarda; tarix sohasiga doir nazariy muammolar, O‘zbekiston va jahon xalqlari madaniyati tarixi, tarixiy obidalar, tarixiy manbalar, siyosiy-ijtimoiy, iqtisodiy jarayonlar, jamiyatning turli sohalari va ularning rivojlanish tarixi, millatlararo etnik munosabatlar, moddiy va ma’naviy madaniyat, umumiy o‘rta va o‘rta-maxsus kasb-hunar ta’lim tizimida ta’lim-tarbiya jarayoni va hokazo.
60220300 – Tarix ta’lim yo‘nalishi bo‘yicha bakalavriat bitiruvchilari fan sohasidagi bakalavriat ta’lim yo‘nalishini tamomlagandan so‘ng, umumiy o‘rta, o‘rta maxsus, professional ta’lim muassasalarida, maktabdan tashqari ta’lim muassasalarida tarix fanlaridan zamonaviy pedagogik va axborot texnologiyalaridan foydalangan holda dars berish, O‘zbekiston Respublikasi Fanlar akademiyasi va tarmoq ilmiy-tadqiqot institutlarida kompleks masalalarni yechish huquqiga ega bo‘ladi.
MUTAXASSISLIK FANLARI BO‘YICHA O‘QUV JARAYONI SHARHI
I semestr. Ushbu bosqich bo‘lajak tarixchilar uchun mustahkam nazariy va metodologik poydevor yaratishni maqsad qiladi. Dastlab "Arxeologiya" fani orqali talabalar insoniyatning eng qadimgi davrlaridan ilk yozma sivilizatsiyalar davrigacha bo‘lgan tarixiy taraqqiyot, arxeologik tadqiqot usullari, moddiy madaniyat yodgorliklarini o‘rganish hamda arxeologik manbalarni ilmiy tahlil qilish asoslarini egallaydilar. Mazkur bilimlar , "O‘zbekiston tarixi" fani orqali O‘zbekiston hududida qadimgi davrdan ilk o‘rta asrlargacha kechgan tarixiy taraqqiyot, jamiyat va davlatchilikning rivojlanish bosqichlari, milliy davlatchilik an’analari hamda tarixiy manbalarni ilmiy tahlil qilish asoslari o‘rgatiladi. Shuningdek, "Tarixiy geografiya" fani orqali yanada boyitilib, talabalarda tarixiy voqealarning geografik makon bilan o‘zaro bog‘liqligini anglash, davlatlar va sivilizatsiyalarning hududiy rivojlanishini tahlil qilish hamda tarixiy xaritalar bilan ishlash ko‘nikmalari shakllantiriladi. Ushbu bilimlar "Jahon tarixi" fani bilan to‘ldirilib, talabalar qadimgi davrlardan boshlab jahon sivilizatsiyalarining shakllanishi, davlatlar va xalqlarning siyosiy, iqtisodiy, ijtimoiy hamda madaniy taraqqiyot bosqichlarini tizimli ravishda o‘rganadilar. Natijada semestr davomida talabalarda tarixiy jarayonlarni ilmiy tahlil qilish, tarixiy manbalarni tanqidiy baholash va tarixiy tafakkurni rivojlantirish orqali keyingi ixtisoslik fanlarini o‘zlashtirish uchun zarur kompetensiyalar shakllantiriladi.
II semestr. Ikkinchi semestrda ta'lim jarayoni yanada tahliliy tus oladi. "O‘zbekiston tarixi" fani davom ettirilib, birinchi semestrda o‘zlashtirilgan nazariy bilimlar yanada chuqurlashtiriladi hamda hozirgi O‘zbekiston hududidagi antik davr va o‘rta asrlarga oid murakkab tarixiy jarayonlar, ijtimoiy-siyosiy voqea-hodisalar va davlatchilik taraqqiyoti ilmiy asosda tahlil qilinadi. Mazkur bilimlar "Jahon tarixi" fani bilan uzviy boyitilib, jahon sivilizatsiyalarining keyingi taraqqiyot bosqichlari, davlatlar o‘rtasidagi siyosiy, iqtisodiy va madaniy aloqalar hamda global tarixiy jarayonlarning rivojlanish qonuniyatlari chuqur o‘rganiladi. Tarixiy jarayonlarning etnik va madaniy jihatlarini chuqurroq anglash maqsadida "Etnologiya" fani orqali talabalar etnoslarning kelib chiqishi, shakllanishi va rivojlanish qonuniyatlari, etnik jarayonlar, madaniyatlararo munosabatlar hamda zamonaviy etnologik tadqiqotlarning nazariy va metodologik asoslarini o‘zlashtiradilar. Shuningdek, "Sharq allomalarining ilmiy merosi" fani tarixiy va madaniy taraqqiyotning intellektual asoslarini yoritib, Sharq mutafakkirlarining jahon ilm-fani va sivilizatsiyasi rivojiga qo‘shgan hissasi, ularning tarix, falsafa, tabiiy va ijtimoiy fanlar taraqqiyotidagi o‘rni ilmiy manbalar asosida tahlil qilinadi.
III semestr. Uchinchi semestrda ta'lim jarayoni tarixiy jarayonlarni kompleks tahlil qilish, tarixiy manbalarni tanqidiy o‘rganish hamda davlatchilik taraqqiyotini ilmiy asosda baholashga yo‘naltiriladi. Ushbu bosqichda "O‘zbekiston tarixi" fani orqali talabalar O‘zbekiston hududida mo‘g‘ullar bosqinidan XIX asr o‘rtalarigacha kechgan tarixiy jarayonlar, davlatchilik va jamiyat taraqqiyoti, milliy davlatchilik an’analari hamda tarixiy merosni o‘rganadilar. "Jahon tarixi" fani esa ushbu bilimlarni kengaytirib, jahon tarixidagi muhim siyosiy, iqtisodiy va madaniy jarayonlarni qiyosiy tahlil qilish hamda tarixiy voqea-hodisalarga tanqidiy yondashuv ko‘nikmalarini rivojlantiradi. "Manbashunoslik va tarixshunoslik" fani orqali tarixiy manbalarni aniqlash, tasniflash, tanqidiy tahlil qilish va ulardan ilmiy tadqiqotlarda samarali foydalanish usullari, shuningdek tarixshunoslik maktablari va zamonaviy tadqiqot metodologiyasi o‘zlashtiriladi. Mazkur tayyorgarlik "Fan va texnika tarixi" fani bilan boyitilib, ilm-fan va texnologiyalarning insoniyat taraqqiyotidagi o‘rni hamda ilmiy-texnik inqiloblarning tarixiy rivojlanishga ta’siri kompleks tahlil qilinadi. Natijada talabalar keyingi bosqichlarda ilmiy-tadqiqot faoliyatini samarali olib borish va ixtisoslik fanlarini chuqur o‘zlashtirish uchun zarur nazariy hamda amaliy kompetensiyalarga ega bo‘ladilar.
IV Semestr. To‘rtinchi semestrda ta’lim jarayoni tarixiy tadqiqotlarning maxsus yo‘nalishlarini chuqur o‘zlashtirish, tarixiy manbalarni ilmiy asosda tahlil qilish hamda jahon sivilizatsiyasi taraqqiyotini kompleks yondashuv asosida o‘rganishga qaratiladi. Bu semestda ham “O‘zbekiston tarixi” fani davom ettirilib, talabalar O‘zbekiston hududida Rossiya bosqini davridan 1989-yilgacha kechgan tarixiy jarayonlar, jamiyat va davlatchilik taraqqiyoti, milliy davlatchilik an’analari hamda tarixiy merosni o‘rganib, tarixiy manbalarni tahlil qilish va tarixiy voqea-hodisalarni ilmiy hamda obyektiv baholash asoslarini egallaydilar. Xuddi shu kabi “Jahon tarixi” fani ham davom etadi va tarixining muhim bosqichlari, xalqaro munosabatlar, siyosiy, iqtisodiy hamda madaniy jarayonlarning o‘zaro bog‘liqligini chuqur tahlil qilish imkonini beradi. Tanlov fanlar hisoblanadigan “Maxsus tarix fanlari” orqali paleografiya, diplomatika, sfragistika, numizmatika, geraldika, xronologiya va boshqa yordamchi tarix fanlarining nazariy hamda amaliy asoslari o‘rganilib, tarixiy manbalarni ilmiy tadqiq etish malakalari shakllantiriladi. “Buyuk Ipak yo‘li va uning jahon sivilizatsiyasida tutgan o‘rni” fani esa sivilizatsiyalararo muloqot hamda madaniy almashinuv jarayonlarini tarixiy manbalar asosida tahlil qilishga yo‘naltiriladi. Mazkur fanlar majmuasi talabalarda tarixiy jarayonlarni kompleks baholash, tarixiy manbalar bilan professional ishlash, ilmiy-tadqiqot metodlarini qo‘llash hamda tarixiy voqea va hodisalarga tanqidiy va analitik yondashuvni shakllantiradi hamda amaliy tayyorgarlikni ta’minlaydi.
V semestr. Beshinchi semestr tarixiy jarayonlarni kompleks tahlil qilish, maxsus tarixiy fanlar bo‘yicha bilimlarni chuqurlashtirish hamda ilmiy-tadqiqot kompetensiyalarini rivojlantirishga bag‘ishlanadi. "O‘zbekiston tarixi" fani orqali talabalar mustaqillik yillarida davlat va jamiyat qurilishi, demokratik islohotlar hamda mamlakat taraqqiyotining tarixiy asoslarini o‘rganadilar. "Jahon tarixi" fani ushbu bilimlarni global miqyosda boyitib, yangi va eng yangi davr tarixidagi siyosiy, iqtisodiy, ijtimoiy va madaniy jarayonlar hamda xalqaro munosabatlar rivojlanishini kompleks tahlil qilish imkonini beradi. "Tarix o‘qitish metodikasi" fani esa tarix ta’limini zamonaviy pedagogik texnologiyalar, innovatsion metodlar va raqamli ta’lim vositalari asosida samarali tashkil etish bo‘yicha kasbiy kompetensiyalarni shakllantiradi.
VI semestr. Ushbu semestr tarix fanining zamonaviy yo‘nalishlari, raqamli texnologiyalar va ixtisoslashgan tarixiy tadqiqotlarni o‘rganishga yo‘naltiriladi. "Raqamli tarix" fani tarixiy tadqiqotlarda GIS, raqamli arxivlar, elektron ma’lumotlar bazalari hamda sun’iy intellekt vositalaridan foydalanish ko‘nikmalarini shakllantiradi. "Xalqaro munosabatlar va diplomatiya tarixi" fani xalqaro siyosiy jarayonlar va diplomatik munosabatlarning tarixiy rivojlanishini tahlil qilish imkonini beradi. Tanlov fanlari: "Surxondaryo etnografiyasi", "O‘zbek xalqi etnogenezi va etnik tarixi", "Arab xalifaligi tarixi", "O‘rta Osiyoda pul munosabatlari tarixi" fanlari talabalarning ixtisoslashuviga xizmat qilib, etnomadaniy, siyosiy va iqtisodiy tarixning muhim yo‘nalishlarini chuqur o‘rganishga yo‘naltiriladi. Natijada talabalarda zamonaviy tadqiqot texnologiyalaridan foydalanish, tarixiy jarayonlarni kompleks tahlil qilish va mustaqil ilmiy izlanish olib borish kompetensiyalari shakllantiriladi.
VII semestr. Ushbu semestr tarixiy-madaniy merosni chuqur o‘rganish, mintaqaviy tarixni tahlil qilish hamda zamonaviy tarixiy jarayonlarni baholashga yo‘naltiriladi. "O‘zbekiston madaniyati va san’ati tarixi" hamda "Tarixiy o‘lkashunoslik" fanlari orqali talabalar milliy madaniy meros, tarixiy obidalar va mahalliy tarixiy manbalarni ilmiy o‘rganish hamda ularni tahlil qilish ko‘nikmalarini egallaydilar. Tanlov fanlari ("O‘rta Osiyo tarixiy toponimikasi", "Turk xoqonligining O‘rta Osiyo tarixida tutgan o‘rni", "Jahon mamlakatlarining eng yangi tarixi" hamda "Termiziy allomalar") esa mintaqaviy va jahon tarixining dolzarb masalalari, tarixiy-geografik jarayonlar, davlatchilik an’analari hamda ilmiy-ma’naviy merosni chuqur o‘rganish orqali talabalarning ixtisoslashuvini ta’minlaydi. Natijada ushbu semestr davomida talabalarda tarixiy-madaniy merosni ilmiy baholash, tarixiy jarayonlarni qiyosiy tahlil qilish, tarixiy manbalar bilan ishlash hamda mustaqil ilmiy xulosalar chiqarish kompetensiyalari yanada rivojlantiriladi.
VIII semestr. Yakuniy bosqichda ta'lim jarayoni talabalarning nazariy bilimlari va amaliy ko'nikmalarini integratsiyalash, tarixiy taraqqiyot jarayonlarini sivilizatsion yondashuv asosida kompleks tahlil qilish hamda mustaqil ilmiy faoliyatga tayyorlashga yo'naltiriladi. "O‘zbekiston davlatchiligi tarixi" va "Jahon sivilizatsiyalari tarixi" fanlari orqali talabalar milliy davlatchilik taraqqiyoti hamda jahon sivilizatsiyalarining rivojlanish qonuniyatlarini qiyosiy yondashuv asosida o'rganadilar. Tanlov fanlari ("O‘rta Osiyo ilk shaharlar tarixi" va "Oks sivilizatsiyasi") esa qadimgi urbanizatsiya jarayonlari, ilk sivilizatsiyalar va ularning Markaziy Osiyo tarixidagi o'rnini arxeologik hamda tarixiy manbalar asosida chuqur tahlil qilish imkonini beradi. Natijada bitiruvchilar tarixiy manbalarni mustaqil tahlil qilish, milliy va jahon tarixini qiyosiy baholash hamda zamonaviy ilmiy metodlardan foydalangan holda kasbiy va ilmiy-tadqiqot faoliyatini samarali olib borish kompetensiyalariga ega bo'ladilar.
Fanning maqsadi, erishiladigan ta’limiy natijalari haqida qisqacha ma’lumot: Talabalarda tarixiy geografiyaning nazariy asoslari, tarixiy hududlar va davlatlar taraqqiyotini geografik omillar bilan bog‘liq holda tahlil qilish, tarixiy xaritalar hamda tarixiy-geografik manbalardan ilmiy tadqiqotlarda foydalanish kompetensiyalarini shakllantirish.
Fanning maqsadi, erishiladigan ta’limiy natijalari haqida qisqacha ma’lumot: Mazkur fanni o‘qitishdan maqsad talabalarda O‘zbekiston hududida ilk o‘rta asrlardan Xorazmshohlar davrigacha bo‘lgan jamiyat va davlatchilik taraqqiyoti to‘g‘risida tizimli bilimlarni shakllantirish, tarixiy jarayonlar va nazariyalarni tanqidiy tahlil qilish, tarixiy manbalarni talqin etish hamda tarixiy taraqqiyotni ilmiy tadqiqotlarga asoslangan yondashuvlar orqali baholash ko‘nikmalarini rivojlantirishdan iborat.
Fanning maqsadi, erishiladigan ta’limiy natijalari haqida qisqacha ma’lumot: Talabalarda Qadimgi Yunoniston va Rim sivilizatsiyalarining siyosiy, ijtimoiy, iqtisodiy va madaniy taraqqiyoti hamda ularning jahon tarixidagi o‘rnini tahlil qilish, tarixiy manbalarni tanqidiy baholash va antik sivilizatsiyalarni qiyosiy o‘rganish kompetensiyalarini shakllantirish.
Fanning maqsadi, erishiladigan ta’limiy natijalari haqida qisqacha ma’lumot: Talabalarda etnologiyaning nazariy asoslari, etnik jarayonlar va xalqlarning etnomadaniy taraqqiyotini tahlil qilish, etnologik manbalarni baholash hamda etnologik bilimlarni ilmiy va kasbiy faoliyatda qo‘llash kompetensiyalarini shakllantirish.
Fanning maqsadi, erishiladigan ta’limiy natijalari haqida qisqacha ma’lumot: Talabalarda Sharq allomalarining ilmiy merosi, ularning jahon ilm-fani va sivilizatsiyasi taraqqiyotiga qo‘shgan hissasini tahlil qilish, ilmiy manbalarni baholash hamda tarixiy-ilmiy merosni ilmiy va kasbiy faoliyatda qo‘llash kompetensiyalarini shakllantirish.
Fanning maqsadi, erishiladigan ta’limiy natijalari haqida qisqacha ma’lumot: Mazkur fan talabalarda O‘zbekistonning mo‘g‘ullar bosqinidan XIX asrning ikkinchi yarmigacha bo‘lgan tarixi, davlatchilik taraqqiyoti va tarixiy jarayonlarni tahlil qilish, tarixiy manbalarni ilmiy baholash hamda zamonaviy tarixshunoslik yondashuvlarini qo‘llash kompetensiyalarini shakllantirishga xizmat qiladi.
Fanning maqsadi, erishiladigan ta’limiy natijalari haqida qisqacha ma’lumot: Mazkur fan talabalarda qadimgi davrdan hozirgi kungacha bo‘lgan jahon tarixiy taraqqiyoti, sivilizatsiyalar rivojlanishi hamda davlatlar va xalqlarning siyosiy, iqtisodiy va madaniy taraqqiyoti bo‘yicha tizimli bilimlarni shakllantirish, tarixiy jarayonlarni zamonaviy tarixshunoslik yondashuvlari asosida tahlil qilish, tarixiy manbalarni ilmiy baholash va kasbiy kompetensiyalarni rivojlantirishga qaratilgan.
Fanning maqsadi, erishiladigan ta’limiy natijalari haqida qisqacha ma’lumot: Mazkur fan talabalarda tarixiy manbalarni aniqlash, tasniflash, ilmiy tahlil qilish va tarixshunoslik yondashuvlarini baholash, shuningdek, tarixiy tadqiqot metodlari hamda zamonaviy axborot texnologiyalaridan foydalangan holda mustaqil ilmiy izlanish olib borish kompetensiyalarini shakllantirishga xizmat qiladi.
Fanning maqsadi, erishiladigan ta’limiy natijalari haqida qisqacha ma’lumot: Mazkur fan talabalarda fan taraqqiyotining nazariy asoslari, rivojlanish qonuniyatlari, ilmiy faoliyatni tashkil etish tamoyillari hamda fan etikasi bo‘yicha tizimli bilimlarni shakllantirish, ilmiy jarayonlarni tahlil qilish va zamonaviy fan yutuqlarini kasbiy faoliyatda qo‘llash kompetensiyalarini rivojlantirishga qaratilgan.
Fanning maqsadi, erishiladigan ta’limiy natijalari haqida qisqacha ma’lumot: Mazkur fan talabalarda maxsus tarix fanlarining nazariy va metodologik asoslarini o‘zlashtirish, tarixiy manbalarni aniqlash, tasniflash va ilmiy tahlil qilish, shuningdek arxiv, muzey, kutubxona va raqamli tarix resurslaridan foydalanish hamda tarixiy tadqiqotlarni amalga oshirish bo‘yicha kasbiy kompetensiyalarni shakllantirishga qaratilgan.
Fanning maqsadi, erishiladigan ta’limiy natijalari haqida qisqacha ma’lumot: Mazkur fan talabalarda Buyuk Ipak yo‘lining jahon sivilizatsiyasi va Markaziy Osiyo tarixidagi o‘rni, uning siyosiy, iqtisodiy va madaniy ahamiyatini tahlil qilish hamda tarixiy jarayonlarni ilmiy baholash kompetensiyalarini shakllantirishga xizmat qiladi.
Fanning maqsadi, erishiladigan ta’limiy natijalari haqida qisqacha ma’lumot: Mazkur fanni o‘qitishdan maqsad talabalarda O‘zbekistonning mustaqillik arafasidan hozirgi kungacha bo‘lgan davr tarixi haqida tizimli bilimlarni shakllantirish, tarixiy jarayonlarni tahlil qilish, tarixiy manbalarni ilmiy talqin etish hamda tarixiy voqea va hodisalarni ilmiy yondashuvlar asosida baholash ko‘nikmalarini rivojlantirishdan iborat.
Fanning maqsadi, erishiladigan ta’limiy natijalari haqida qisqacha ma’lumot: Mazkur fan talabalarda qadimgi davrdan hozirgi kungacha bo‘lgan jahon tarixiy taraqqiyoti, sivilizatsiyalar rivojlanishi hamda davlatlar va xalqlarning siyosiy, iqtisodiy va madaniy taraqqiyoti bo‘yicha tizimli bilimlarni shakllantirish, tarixiy jarayonlar va manbalarni ilmiy tahlil qilish hamda tarixiy tafakkur va kasbiy kompetensiyalarni rivojlantirishga qaratilgan.
Fanning maqsadi, erishiladigan ta’limiy natijalari haqida qisqacha ma’lumot: Mazkur fan talabalarda tarix fanini zamonaviy pedagogik va axborot-kommunikatsiya texnologiyalari asosida o‘qitish, tarix darslarini loyihalash, tashkil etish va baholash hamda tarix ta’limini samarali tashkil etish bo‘yicha kasbiy kompetensiyalarni shakllantirishga qaratilgan.
Fanning maqsadi, erishiladigan ta’limiy natijalari haqida qisqacha ma’lumot: Mazkur fan talabalarda tarixiy manbalarni raqamlashtirish, elektron arxivlar, ma’lumotlar bazalari, geografik axborot tizimlari (GIS) va sun’iy intellekt vositalaridan foydalanish hamda tarixiy tadqiqotlar va ta’lim jarayonida zamonaviy raqamli texnologiyalarni qo‘llash bo‘yicha kasbiy kompetensiyalarni shakllantirishga qaratilgan.
Fanning maqsadi, erishiladigan ta’limiy natijalari haqida qisqacha ma’lumot: Mazkur fan talabalarda xalqaro munosabatlar va diplomatiya tarixining rivojlanish bosqichlari, davlatlararo munosabatlar hamda diplomatik jarayonlarni tahlil qilish va tarixiy tajribani zamonaviy yondashuvlar asosida baholash kompetensiyalarini shakllantirishga qaratilgan.
Fanning maqsadi, erishiladigan ta’limiy natijalari haqida qisqacha ma’lumot: talabalarda Surxondaryo vohasi aholisining etnik shakllanishi, etnik tarkibi, an’anaviy turmush tarzi, urf-odatlari, marosimlari, xalq og‘zaki ijodi, milliy qadriyatlari, moddiy va ma’naviy madaniyati hamda etnomadaniy merosi haqida tizimli bilimlarni shakllantirish, etnografik manbalarni ilmiy tahlil qilish ko‘nikmalarini rivojlantirish, hududning etnomadaniy xususiyatlarini o‘rganish orqali talabalarda milliy o‘zlikni anglash, tarixiy-madaniy merosga hurmat va uni asrab-avaylash mas’uliyatini rivojlantirishdan iborat.
Fanning maqsadi, erishiladigan ta’limiy natijalari haqida qisqacha ma’lumot: talabalarda o‘zbek xalqining kelib chiqishi (etnogenezi), etnik shakllanish bosqichlari, etnik tarkibi, tarixiy taraqqiyoti hamda O‘rta Osiyoda kechgan etnik jarayonlar to‘g‘risida chuqur nazariy bilimlarni shakllantirish, yozma, arxeologik, etnografik va antropologik manbalarni ilmiy tahlil qilish ko‘nikmalarini rivojlantirish, o‘zbek xalqining etnik tarixini xolis va ilmiy asosda baholash, milliy o‘zlikni anglash, tarixiy merosni asrash va targ‘ib etishga doir kasbiy kompetensiyalarni shakllantirishdan iborat.
Fanning maqsadi, erishiladigan ta’limiy natijalari haqida qisqacha ma’lumot: Mazkur modul talabalarda Arab xalifaligining shakllanishi va rivojlanishi, siyosiy, ijtimoiy, iqtisodiy hamda madaniy taraqqiyotini tahlil qilish, tarixiy manbalarni ilmiy baholash hamda uning islom sivilizatsiyasi va jahon tarixidagi o‘rnini zamonaviy ilmiy yondashuvlar asosida talqin etish kompetensiyalarini shakllantirishga qaratilgan.
Fanning maqsadi, erishiladigan ta’limiy natijalari haqida qisqacha ma’lumot: Mazkur modul talabalarda O‘rta Osiyoda pul munosabatlari tarixi, numizmatik manbalar va pul islohotlarini tahlil qilish hamda pul muomalasining davlat boshqaruvi, savdo va madaniy aloqalar rivojidagi o‘rnini ilmiy yondashuvlar asosida baholash kompetensiyalarini shakllantirishga xizmat qiladi.
Fanning maqsadi, erishiladigan ta’limiy natijalari haqida qisqacha ma’lumot: Mazkur modulni o‘qitishdan maqsad talabalarda O‘zbekiston hududida qadimgi davrdan hozirgi kungacha bo‘lgan davrda moddiy va ma’naviy madaniyat hamda san’atning turli shakllari rivojlanishi haqida tizimli va ilmiy bilimlarni shakllantirish, madaniy merosni anglash va tahlil qilish, milliy qadriyatlarni e’zozlash, vatanparvarlik tuyg‘usini mustahkamlash hamda estetik dunyoqarashni rivojlantirish ko‘nikmalarini tarkib toptirishdan iborat.
Fanning maqsadi, erishiladigan ta’limiy natijalari haqida qisqacha ma’lumot: Mazkur fan talabalarda mintaqaviy tarixiy tadqiqotlarning nazariy va metodologik asoslarini o‘zlashtirish, mintaqaviy tarixiy jarayonlarni tahlil qilish, tarixiy manbalar va mahalliy tarixiy materiallar bilan ishlash hamda zamonaviy tadqiqot metodlarini ilmiy va kasbiy faoliyatda qo‘llash kompetensiyalarini shakllantirishga qaratilgan.
Fanning maqsadi, erishiladigan ta’limiy natijalari haqida qisqacha ma’lumot: Mazkur fan talabalarda jahon sivilizatsiyalarining shakllanishi, rivojlanishi va o‘zaro ta’sirini tahlil qilish, tarixiy manbalarni ilmiy va qiyosiy yondashuvlar asosida baholash hamda tarixiy tadqiqotlar va madaniy merosni o‘rganishda zamonaviy metodlardan foydalanish kompetensiyalarini shakllantirishga qaratilgan.
Fanning maqsadi, erishiladigan ta’limiy natijalari haqida qisqacha ma’lumot: Mazkur modul talabalarda O‘zbekiston davlatchiligining shakllanishi va rivojlanish bosqichlari, davlat boshqaruvi tizimi hamda davlatchilik an’analarini tahlil qilish, tarixiy manbalarni ilmiy baholash va O‘zbekiston davlatchiligining mintaqaviy hamda jahon tarixidagi o‘rnini zamonaviy ilmiy yondashuvlar asosida talqin etish kompetensiyalarini shakllantirishga qaratilgan.
Fanning maqsadi, erishiladigan ta’limiy natijalari haqida qisqacha ma’lumot: Mazkur modulni o‘qitishdan maqsad talabalarda O‘rta Osiyoning tarixiy toponomikasi, geografik nomlarning kelib chiqishi, shakllanishi, tarixiy rivojlanishi va semantik mazmuni haqida bazaviy bilimlarni shakllantirish, shuningdek, toponimlarni mintaqa tarixi hamda madaniy merosini o‘rganishda muhim tarixiy manba sifatida tahlil qilish ko‘nikmalarini rivojlantirishdan iborat.
Fanning maqsadi, erishiladigan ta’limiy natijalari haqida qisqacha ma’lumot: Mazkur modulni o‘qitishdan maqsad talabalarda Turk xoqonligining vujudga kelishi, rivojlanishining asosiy bosqichlari, siyosiy taraqqiyoti, davlat boshqaruvi tizimi hamda O‘rta Osiyo tarixidagi tarixiy ahamiyati haqida tizimli bilimlarni shakllantirish, siyosiy, ijtimoiy va madaniy jarayonlarni tahlil qilish, tarixiy manbalarni ilmiy talqin etish hamda Turk xoqonligining davlatchilik an’analarining shakllanishi va mintaqa tarixiy taraqqiyotidagi o‘rnini ilmiy yondashuvlar asosida baholash ko‘nikmalarini rivojlantirishdan iborat.
Fanning maqsadi, erishiladigan ta’limiy natijalari haqida qisqacha ma’lumot: Talabalarda jahon tarixining nazariy-uslubiy va amaliy asoslari (tushunchalari, qonuniyatlari, tadqiqot usullari va boshqalar) to’g’risidagi bilimlarini, ularni amaliyotda qo’llay olish malakalarini shakllantirishdan iborat.
Fanning maqsadi, erishiladigan ta’limiy natijalari haqida qisqacha ma’lumot: fan Termiz vohasi va uning ilmiy-madaniy muhitida yetishib chiqqan buyuk allomalarning hayoti, ilmiy merosi, ularning jahon sivilizatsiyasi hamda islom ilmi rivojiga qo‘shgan hissasi haqidagi nazariy-uslubiy va amaliy bilimlarni shakllantirishga xizmat qiladi. Shuningdek, talabalarda mazkur allomalarning ilmiy faoliyatini o‘rganish, tahlil qilish va ularning merosidan amaliy foydalanish ko‘nikmalarini rivojlantirishni nazarda tutadi.
Fanning maqsadi, erishiladigan ta’limiy natijalari haqida qisqacha ma’lumot: Mazkur modulni o‘qitishdan maqsad talabalarda O‘rta Osiyodagi ilk shaharlarning vujudga kelishi, rivojlanishi va tarixiy ahamiyati haqida bazaviy bilimlarni shakllantirish, shuningdek, shahar taraqqiyoti jarayonlarini, arxeologik manbalarni tahlil qilish hamda qadimgi shaharlarning mintaqaning madaniy va ijtimoiy tarixidagi o‘rnini ilmiy yondashuvlar asosida baholash ko‘nikmalarini rivojlantirishdan iborat.
Fanning maqsadi, erishiladigan ta’limiy natijalari haqida qisqacha ma’lumot: Mazkur modulni o‘qitishdan maqsad talabalarda Oks sivilizatsiyasining vujudga kelishi, rivojlanishi va O‘rta Osiyo tarixidagi tarixiy ahamiyati haqida tizimli bilimlarni shakllantirish, arxeologik manbalar va dalillarni hamda ushbu sivilizatsiyaning madaniy yutuqlarini tahlil qilish, Oks sivilizatsiyasining mintaqaning qadimgi tarixidagi o‘rni va ahamiyatini ilmiy yondashuvlar asosida baholash ko‘nikmalarini rivojlantirishdan iborat.
