Pedagog-tatqiqotchi.
Dastur maqsadi: Lingvistika magistratura mutaxassisligi bo‘yicha magistrlar tayyorlash.
Diplom nomi
Magistr
Mutaxassislik
Jami kreditlar
120/3600 soat
Davomiyligi
2 yil
O'qish narxi
Mahalliy talabalar uchun — 11 155 000 UZS
Xorijlik talabalar uchun — 930 USD
Dasturning ta’limiy natijalari/kompetensiyalar: o'rganilayotgan nazariy fanlarning umummetodologik tamoyillari, terminologik apparati, asosiy tushunchalari va yo'nalishlari, etakchi konsepsiyalari, ilmiy adabiyotlariva olimlari, lisoniy birliklarni tadqiq etishdagi yondashuvlarni bilishi va ularni o'zilmiy tadqiqotida qo'llay olishi; xorijiy ttrda nazariy va lisoniy material bilan ishlash, muayyan masalalarga oid fikrlarni bayon etishi, ayni fikrlarga nisbatan munosabatini shakllantira olishi va ifodalashi; ilmiy tadqiqot jarayonida dolzarb nazariy masalalarni aniqlay olishi birliklarini tahlil qilishda ularning echimini topa olish, egallagan yangi o' z ilmiy tadqiqot amaliyotida qo' llashi; nazariy, tanqidiy, va lisoniy, bilimlarni lisoniy birliklarni tahlil qilish lingvistik metodlarini (qiyosiy tahlil, diskursiv, tahlil, kontekstual tahlil, komponent tahlil va xk) bilishi va ularni ilmiy tadqiqotda qo'llashni bilishi;zamonaviy lingvistika yo'nalishlarining (matn lingvistikasi, kognitiv lingvistika, lingvomadaniyatshunoslik, lingvopragmatika) asosiy tushunchalari, terminologik apparati, asosiy tamoyillari va ularning xususiyatlari, turli nazariy qarashlar va etakchi konsepsiyalarni bilishi va ularni o'z rlmiy tadqiqotida qo'llay olishi; lisoniy birliklarni tahlil qilishda kognitiv, kommunikativ, diskursiv, pragmatik metodlarini (konseptual tahlil, freym tahlil, kognitiv xarita tuzish, nutqiy aktlar tasnifi, diskursiv tahlil) bilishi va ularni amaliyotda qo'llash; xorijiy tilda berilgan matnning kognitiv, lingvokulturologik, kommunikativ, pragmatik, stilistik jihatlarini tahlii qilishni bilishi, matnnning asosiy kategoriyalarini aniqlay olishi va ushbu kategoriyalarni ifoda etuvchi lisoniy birliklarni tahlil qilishni bilishi; matnni tahlil qilish metodlarini (lingvistik sharhlash, superlinear tahlil metodi, semantik, stilistik, konseptual tahlil, inferensiya metodi, matn tahlilining statistik metodlari) bilishi va ularni matn tahlili jarayonida qo'llashni; chet tilida xorijda va O'zbekistonda chop etilgan materiallarni qiyosiy tahlil qilish, chop etilgan ilmiy-nazariy va metodik manbalardan bibliografiya tuzishni bilish, ularni umumlashtirish, sistematizatsiya qilish va ilmiy tadqiqoti jarayonida qo'llay olish;
tili o'rganilayotgan mamlakatlar madaniyatiga xos bo'lgan ma'naviy va axloqiy, ijtimoiy xususiyatlarni farqlash, madantyatlararo muloqot sohasi bo'yicha nazariy va empirik bilimlarni o'zlashtirish, o'zaro muloqotda bo'lgan madaniyatlarning asosiy konseptual va lisoniy aspektlarini bilish; tadqiqot sifatini baholash ko'nikmalariga ega bo'lish; yangi axborotni o'rgangan axboroti bilan solishtira olish; o'ztadqiqotining natijalarini aniq va ravon bayon eta olish, ularni pragmatik amaliyotda qo'llay olish; xorijiy tilda ilmiy va kasbiy faoliyatiga oid hujjatlar va ishlar mohiyatini tushunishi, o'z faoliyatida me'yoriy-huquqiy hujjatlardan foydalana olishi , o'zining kasbiy faoliyatida asoslangan mustaqil qarorlar qabul qila bilish.
Kasbiy faoliyat sohalari (Qaysi sohalarda ishlashi mumkin): Uzluksiz ta'limning davlat va nodavlat muassasalarida xorijiy tillarni o'qitish, O'zbekiston Respublikasi Fanlar akademiyasi va tarmoq ilmiy tadqiqot institutlarida ilmiy tadqiqot faoliyatini yuritish, davlat boshqaruvi organlari,mahalliy va xalqaro tashkilotlarda tarjimonlik, ommaviy axborot vositalari va nashriyotlarda faoliyat olib borish bilan bog'liq kasbiy sohalar majmuasini qamrab oladi.
Kasbiy faoliyat obyektlari: (Qaysi tashkilotl arda ishlashi mumkin): Davlat boshqaruvi organlari, O'zbekiston Respublikasi Fanlar akademiyasi va tarmoq ilmiy tadqiqot institutlarida ilmiy xodim, oliy ta'lirn, malaka oshirish va qayta tayyorlash, professional ta'lim muassasalarida pedagog, shuningdek, ommaviy axborot vositalari va nashriyotlar, davlat va nodavlat tashkilotlar, korxona va muassasalar, kompaniyalar (firmalar)da mutaxassis.
MUTAXASSISLIK FANLARI BO‘YICHA O‘QUV JARAYONI SHARHI
I Semestr.Ushbu bosqich bo‘lajak tilshunos olimlar va pedagog-tadqiqotchilar uchun mustahkam ilmiy-nazariy poydevor yaratishni hamda dasturning dastlabki kunlaridanoq keng qamrovli ilmiy-pedagogik faoliyat muhitiga kirishishni maqsad qiladi. Unda Ilmiy tadqiqot metodologiyasi fani orqali magistrantlar akademik izlanishlar olib borishning zamonaviy tamoyillari, metodlari va ilmiy loyihalarni modellashtirish mexanizmlarini chuqur o‘rganadilar. Matn lingvistikasi fani esa til birliklarining nutqdagi kognitiv va pragmatik xususiyatlarini, matn yaxlitligi va integratsiyasini tahlil qilish imkonini beradi. Shu bilan birga, Ilmiy faoliyatga yo‘naltirilgan chet tili fani talabalarning xalqaro miqyosda akademik yozuv, muloqot va ilmiy maqolalar tayyorlash ko‘nikmalarini shakllantiradi. Eng muhimi, magistrantlar ilk semestrdanoq o‘zlarining kelgusi professional faoliyatlariga poydevor bo‘luvchi Ilmiy-pedagogik ish va malaka amaliyoti jarayonlarining tashkiliy asoslari bilan tanishib, dasturning eng fundamental qismi hisoblangan Ilmiy-tadqiqot ishi, magistrlik dissertatsiyasini tayyorlash va himoya qilish tizimiga qadam qo‘yadilar; dissertatsiya mavzusi ustida dastlabki qidiruv-tadqiqot ishlarini boshlaydilar. Bu semestr nafaqat fundamental nazariy bilim beradi, balki magistrantda lisoniy va pedagogik voqelikka nisbatan tanqidiy hamda tahliliy qarashni shakllantirib, keyingi semestrlardagi ixtisoslik fanlarini muvaffaqiyatli o‘zlashtirish va tadqiqot ishlarini yakuniy himoya bosqichigacha tizimli olib borish uchun zamin hozirlaydi.
II Semestr. Ikkinchi semestrda ta’lim jarayoni yanada chuqur ixtisoslashgan nazariy-tahliliy va qat’iy tadqiqotchilik tusini oladi. Birinchi semestrda asos solingan ilmiy poydevor ushbu bosqichda zamonaviy tilshunoslikning eng yetakchi ixtisoslik fanlari — Zamonaviy lingvistika hamda Cognitive lingvistika orqali yangi yuqori bosqichga olib chiqiladi. Bu fanlar doirasida magistrantlar jahon tilshunosligidagi eng so‘nggi paradigmalarni, til va tafakkur munosabatini hamda lisoniy dunyo manzarasini mustaqil tadqiq etish mexanizmlarini mukammal o‘zlashtiradilar. Shu bilan birga, akademik integratsiyani ta’minlash maqsadida Ilmiy faoliyatga yo‘naltirilgan chet tili (1, 2) fani davom ettirilib, talabalarning xalqaro miqyosda professional muloqot olib borish va dissertatsiya mavzusi bo‘yicha xorijiy ilmiy bazalar bilan ishlash ko‘nikmalari to‘liq yakuniga yetkaziladi. Nazariy bilimlar bilan parallel ravishda, magistrantlarning Ilmiy-pedagogik ish va malaka amaliyoti yanada faol bosqichga kiradi va ular egallagan zamonaviy metodikalarini amalda qo‘llay boshlaydilar. Eng asosiysi, dasturning o‘zagi bo‘lgan Ilmiy-tadqiqot ishi, magistrlik dissertatsiyasini tayyorlash va himoya qilish jarayoni ushbu semestrda qat’iy tizimga solinib, olingan nazariy natijalar dissertatsiyaning asosiy boblarida o‘z aksini topadi. Mazkur ixtisoslik fanlari va ilmiy faoliyatlar uyg‘unligi talabalarda kuchli tahliliy fikrlashni shakllantirib, ularni tadqiqot ishini keyingi bosqichlarda muvaffaqiyatli yakunlash va yakuniy himoyaga taqdim etishga to‘liq safbar qiladi.
III Semestr. Uchinchi semestrda ta’lim jarayoni eng yuqori ixtisoslashgan nazariy-tahliliy va qat’iy amaliy-tadqiqotchilik bosqichiga o‘tadi. Ushbu bosqichda til tizimini eng so‘nggi global ilmiy paradigmalar doirasida tadqiq etishga qaratilgan fundamental fanlar — Zamonaviy lingvistika (1, 2) hamda Kognitiv lingvistika chuqurlashtirilgan holda o‘tiladi. Magistrantlar mazkur fanlar orqali til, tafakkur va madaniyat munosabatining murakkab qirralarini, zamonaviy tilshunoslik poydevorini tashkil etuvchi ilmiy oqimlarni tizimli tahlil qilish usullarini mukammal o‘zlashtiradilar. Ushbu chuqur nazariy bilimlar parallel ravishda talabalarning professional faoliyatlari bilan uzviy bog‘lanadi. Magistrantlar Ilmiy-pedagogik ish va malaka amaliyoti doirasida bevosita oliy ta’lim dars jarayonlariga safbar etilib, o‘zlarining pedagogik mahoratlarini amalda yuksaltiradilar. Eng muhimi, dasturning o‘zagi bo‘lgan Ilmiy-tadqiqot ishi, magistrlik dissertatsiyasini tayyorlash va himoya qilish jarayoni o‘zining eng qizg‘in pallasiga kiradi va o‘rganilayotgan fanlar bergan tahliliy vositalar yordamida dissertatsiyaning asosiy amaliy qismlari, xulosalari va ilmiy dalillari to‘liq shakllantiriladi. Bu bosqichda egallangan professional ko‘nikmalar magistrantni o‘z tadqiqot ishini yakuniy himoya darajasiga muvaffaqiyatli olib chiqishiga xizmat qiladi.
IV Semestr. To‘rtinchi semestr ikki yillik ta’lim va izlanishlarning yakuniy sarmoyasi sifatida to‘liq ilmiy-amaliy faoliyat hamda tadqiqotlarni sarlashga bag‘ishlanadi. Ushbu semestrda auditoriya mashg‘ulotlari o‘rnini qat’iy amaliy va hal qiluvchi professional jarayonlar egallaydi. Magistrantlar Ilmiy-pedagogik ish va malaka amaliyoti davomida orttirgan barcha metodik ko‘nikmalarini yakunlab, o‘zlarining pedagog-tadqiqotchi sifatidagi professional tajribalarini tizimlashtiradilar. Dasturning eng yuqori cho‘qqisi va poydevori bo‘lgan Ilmiy-tadqiqot ishi, magistrlik dissertatsiyasini tayyorlash va himoya qilish jarayoni ushbu bosqichda o‘zining yakuniy marrasiga yetadi. Magistrantlar o‘tgan semestrlarda olingan barcha nazariy natijalar, kognitiv va zamonaviy lingvistik tahlillarni umumlashtirib, dissertatsiya ishini rasmiy talablar darajasida to‘liq taxt qiladilar va uni nufuzli Ilmiy kengash huzurida muvaffaqiyatli himoya etishga tayyorlaydilar. Mazkur semestr talabalarni chuqur ilmiy dalillarga va tanqidiy tahlillarga tayanib fikrlashga to‘liq o‘rgatib, ularni professional akademiyada mustaqil tilshunos olim hamda yuqori malakali mutaxassis sifatida faoliyat yuritishlari uchun zarur bo‘lgan barcha professional ko‘nikmalar bilan yakuniy qurollantiradi.
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi magistrantlarda lingvistik sohada mustaqil ilmiy-tadqiqot ishlarini olib borish metodologiyasi, metodlari va tamoyillari haqida tizimli bilimlarni shakllantirishdir. Fan doirasida talabalar ilmiy muammolarni modellashtirish, empirik ma'lumotlarni to'plash hamda akademik matnlarni xalqaro andozalar asosida yozish metodikasini o'rganadilar. Natijada talaba shaxsiy tadqiqot ishini rejalashtirish va loyihalashtirish ko'nikmalariga ega bo'ladi.
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi til birliklarining nutqdagi kognitiv, pragmatik va diskursiv xususiyatlarini, matn yaxlitligi, kogeziya va koherentlik mexanizmlarini tahlil qilishni o'rgatishdir. Talabalar matn shakllanishining lisoniy qonuniyatlarini o'rganib, uning kommunikativ tabiatini tadqiq etadilar. Natijada magistrantlarda turli janrdagi matnlarni lingvistik jihatdan tizimli tahlil qilish va diskurs-tahlil ko'nikmalari shakllanadi.
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi magistrantlarning xalqaro ilmiy hamjamiyatda professional darajada muloqot qilish, xorijiy ilmiy adabiyotlarni tanqidiy tahlil qilish hamda akademik yozuv (Academic Writing) ko'nikmalarini shakllantirishdir. Talabalar dissertatsiya yo'nalishi bo'yicha ingliz tilida maqolalar, tezislar va annotatsiyalar yozishni, xalqaro bazalar (Scopus, Web of Science va b.) bilan ishlashni o'rganadilar
Maqsadi va erishiladigan natijalari haqida qisqacha ma’lumot: Komponentning maqsadi magistrantlarni dastlabki semestrdanoq oliy ta’lim tizimidagi pedagogik muhit, kafedra faoliyati va dars jarayonlarining tashkiliy-metodik asoslari bilan tanishtirishdir. Talabalar o‘quv rejalari, sillabuslar va talabalar bilimini baholash mezonlarini o‘rganib, dars kuzatish ishlarini boshlaydilar. Natijada bo‘lajak pedagog-tadqiqotchilarda auditoriya bilan ishlash va kelgusi faol dars o‘tish amaliyotlari uchun zarur bo‘lgan metodik poydevor shakllanadi
Maqsadi va erishiladigan natijalari haqida qisqacha ma’lumot: Komponentning maqsadi magistrantni tizimli tadqiqotchilik jarayoniga integratsiya qilish hamda dissertatsiya ishining strategik rejasini belgilab olishdir. Ushbu bosqichda talabalar o‘z ilmiy rahbarlari bilan birgalikda magistrlik dissertatsiyasining dolzarb mavzusini tanlaydilar, tadqiqot ob'ekti va maqsadini aniqlab, mavzuga doir xalqaro hamda mahalliy ilmiy manbalar bazasini qidirishga kirishadilar. Natijada dissertatsiya ishining tuzilmasi tasdiqlanadi hamda kirish qismi (muammoning qo‘yilishi) va birinchi nazariy bob uchun dastlabki materiallar taxt qilinadi
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi magistrantlarning xalqaro ilmiy hamjamiyatda professional darajada muloqot qilish, xorijiy ilmiy adabiyotlarni tanqidiy tahlil qilish hamda akademik yozuv (Academic Writing) ko'nikmalarini yuqori bosqichga olib chiqishdir. Talabalar dissertatsiya yo'nalishi bo'yicha ingliz tilida maqolalar, tezislar va annotatsiyalar yozishni, xalqaro nufuzli bazalar bilan ishlashni to'liq o'rganadilar
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi magistrantlarni jahon tilshunosligida shakllangan eng so'nggi global paradigmalar, lisoniy yo'nalishlar va zamonaviy oqimlar bilan chuqur tanishtirishdan iborat. Kurs davomida til birliklarining tizimli va funksional tabiati yangi lingvistik maktablar kontekstida tahlil qilinadi. Erishiladigan natija sifatida talaba zamonaviy tilshunoslikning dolzarb muammolarini tanqidiy baholash va ularni o'z tadqiqotida qo'llash malakasini egallaydi
Maqsadi va erishiladigan natijalari haqida qisqacha ma’lumot: Komponentning maqsadi magistrantlarning o‘quv jarayonidagi metodik bilimlarini chuqurlashtirish va ularni amaliy pedagogik faoliyatga tayyorlashdir. Ushbu bosqichda talabalar bakalavriat darslarida assistent sifatida ishtirok etishni boshlaydilar, ma’ruza va amaliy mashg‘ulotlarning rejalari hamda zamonaviy keys-texnologiyalarini ishlab chiqish ko‘nikmalarini egallaydilar. Natijada bo‘lajak o‘qituvchilarning pedagogik loyihalash hamda o‘quv-metodik materiallar ustida mustaqil ishlash malakasi tizimli ravishda shakllanadi
Maqsadi va erishiladigan natijalari haqida qisqacha ma’lumot: Komponentning maqsadi — birinchi semestrda belgilangan dissertatsiya mavzusi doirasida ilmiy qidiruv va manbalar tahlilini tizimli davom ettirishdir. Magistrantlar parallel ravishda o‘rganayotgan nazariy fanlari (kognitiv va zamonaviy lingvistika) metodologiyasiga tayanib, dissertatsiyaning dastlabki boblari va amaliy qismi uchun xorijiy materiallarni saralash hamda tahlil qilish ustida ishlaydilar. Natijada tadqiqotning nazariy-metodologik asosi to‘liq shakllantiriladi va olingan dastlabki natijalar asosida ilmiy maqola va tezislar nashr etishga tayyorlanadi
Maqsadi va erishiladigan natijalari haqida qisqacha ma’lumot: Magistratura dasturining eng oliy cho‘qqisi hisoblangan ushbu jarayonning maqsadi — ikki yil davomida olib borilgan barcha lingvistik tadqiqotlarni mukammal umumlashtirish va dissertatsiyani rasmiy himoyaga tayyorlashdir. Magistrantlar olingan barcha nazariy, kognitiv va zamonaviy tilshunoslik xulosalarini taxt qilib, dissertatsiyani nufuzli Ilmiy kengash huzurida muvaffaqiyatli himoya qiladilar. Natijada ularga "Lingvistik (ingliz tili)" mutaxassisligi bo‘yicha magistrlik akademik darajasi beriladi.
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi ingliz tili ekspressiv va funksional vositalarining matn hamda nutqdagi stilistik xususiyatlarini, lisoniy neytrallik va ekspressivlik muvozanatini o‘rgatishdir. Magistrantlar turli janrdagi matnlarning stilistik rang-barangligini, ritorik figuralar va trop turlarini tahlil qilish mexanizmlarini o‘zlashtiradilar. Erishiladigan natija sifatida talabada badiiy, publitsistik va rasmiy matnlarni chuqur stilistik tahlil qilish hamda lingvopoetik qonuniyatlarni ochib berish malakasi shakllanadi
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi til birliklarining nutqdagi kognitiv va pragmatik tabiati, matn yaxlitligi, kogeziya (tashqi bog‘lanish) hamda koherentlik (ichki mantiqiy bog‘lanish) mexanizmlarini tahlil qilish usullarini o‘rgatishdir. Kurs davomida matn shakllanishining lisoniy va ekstralingvistik omillari diskurs nuqtai nazaridan tadqiq etiladi. Natijada magistrantlar turli janrdagi matnlarning kommunikativ strukturasi va semantik butunligini mustaqil tahlil qilish ko‘nikmasiga ega bo‘ladilar
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi til birliklarining ma’no tabiati, semantik sathi hamda tilda yangi so‘z hosil bo‘lishining derivatsion (so‘z yasalishi) qonuniyatlarini o‘rgatishdir. Kurs davomida magistrantlar so‘z va qo‘shimchalarning o‘zaro semantik aloqalarini, lisoniy ma’noning shakllanish mexanizmlarini hamda leksik-semantik tizimni tadqiq etadilar. Erishiladigan natija sifatida talabada lisoniy birliklarning ichki ma’no qurilishini to‘g‘ri tahlil qilish, yangi so‘z yasalish modellarini aniqlash va ularni tizimli baholash malakasi shakllanadi.
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi til va jamiyat o‘rtasidagi uzviy bog‘liqlikni, tilning ijtimoiy tabiati va jamiyat rivojidagi funksiyalarini o‘rgatishdir. Talabalar tilning tabaqalanishi, ijtimoiy dialektlar, gender va yosh omillarining nutqda aks etishi, til siyosati hamda tillararo muloqot muammolarini tadqiq qiladilar. Natijada magistrantlarda lisoniy hodisalarni ijtimoiy kontekst bilan bog‘liq holda tahlil qilish, nutqiy vaziyatlarni sotsiolingvistik nuqtai nazardan baholash va tillarning ijtimoiy holatini tahlil qilish ko‘nikmalari shakllanadi
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi magistrantlarni oliy ta'lim muassasalarida maxsus lingvistik fanlarni o'qitishning eng ilg‘or, innovatsion va interaktiv metodikalari bilan qurollantirishdir. Kurs davomida talabalar zamonaviy dars ishlanmalari va sillabuslar tuzish, talabalar bilimini xalqaro mezonlar asosida baholash hamda raqamli ta'lim texnologiyalaridan unumli foydalanishni o'rganadilar. Natijada bitiruvchida oliy ta'lim tizimida dars bera oladigan yuqori malakali pedagog-tadqiqotchilik mahorati shakllanadi.
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi magistrantlarni jahon tilshunosligida shakllangan eng so'nggi global paradigmalar, diskursiv va sotsiolingvistik yo'nalishlar hamda zamonaviy oqimlar bilan chuqur tanishtirishdan iborat. Kurs davomida til birliklarining funksional va kommunikativ tabiati yangi lingvistik maktablar kontekstida tahlil qilinadi. Erishiladigan natija sifatida talaba zamonaviy tilshunoslikning eng dolzarb muammolarini tanqidiy baholash va olingan nazariy bilimlarni o'z shaxsiy tadqiqotida qo'llash malakasini egallaydi
Maqsadi va erishiladigan natijalari haqida qisqacha ma’lumot: Komponentning maqsadi magistrantlarning kafedra professor-o'qituvchilari rahbarligida bevosita bakalavriat bosqichi talabalariga dars berish, amaliy mashg'ulotlar o'tish orqali pedagogik tajriba orttirishlarini ta'minlashdir. Talabalar "Maxsus fanlarni o‘qitish metodikasi" fanidan olgan nazariy bilimlarini bevosita auditoriyada amalda qo'llaydilar. Natijada, bitiruvchilar oliy ta'lim muassasalarida mustaqil pedagogik faoliyat yuritish bo'yicha professional kompetensiyalarga ega bo'ladilar
Maqsadi va erishiladigan natijalari haqida qisqacha ma’lumot: Ushbu bosqichda ilmiy faoliyatning maqsadi — to'plangan empirik va til materiallarini "Zamonaviy lingvistika" fani metodologiyasiga tayanib tizimlashtirish hamda dissertatsiyaning asosiy amaliy boblarini shakllantirishdir. Magistrantlar olingan shaxsiy ilmiy xulosalarini nufuzli jurnallarda maqola va tezislar holida nashr ettirishni faol davom ettiradilar
Maqsadi va erishiladigan natijalari haqida qisqacha ma’lumot: Komponentning maqsadi magistrantlarning dissertatsiya mavzulari bo‘yicha nufuzli ilmiy-tadqiqot markazlari, yetakchi oliy ta’lim muassasalari yoki sohaviy tashkilotlarda maqsadli ilmiy stajirovka o‘tashlarini ta’minlashdir. Amaliyot davomida talabalar o‘z tadqiqotlariga doir eng so‘nggi innovatsiyalar va xorijiy tajribalarni o‘rganadilar. Natijada dissertatsiyaning xulosalari va amaliy tavsiyalari xalqaro andozalar hamda real soha ehtiyojlari asosida boyitiladi
Maqsadi va erishiladigan natijalari haqida qisqacha ma’lumot: Komponentning maqsadi magistrantlarning o‘tgan davr mobaynida orttirgan pedagogik tajribalarini, dars o‘tish mahorati va metodik ishlanmalarini yakuniy sarhisob qilishdir. Talabalar bakalavriat bosqichi dars jarayonlarida mustaqil pedagog sifatida o‘zlarini to‘liq namoyon etadilar va amaliyot bo‘yicha yakuniy hisobotlarni taqdim qiladilar. Natijada bitiruvchining oliy ta’lim tizimida professional pedagog-tadqiqotchi sifatida faoliyat yuritishga tayyorlik darajasi baholanadi.
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi til va madaniyat o‘rtasidagi uzviy aloqalarni, xalqning milliy-madaniy dunyo manzarasini tilda aks etish qonuniyatlarini o‘rgatishdir. Magistrantlar lingvokultural konseptlar, mifologemalar, etnomadaniy stereotiplar hamda frazeologizmlarning milliy xususiyatlarini tahlil qilish mexanizmlarini o‘zlashtiradilar. Erishiladigan natija sifatida talabada tildagi milliy-madaniy bo‘yoqdor birliklarni ajratish hamda ularni madaniyatlararo muloqot va lingvomadaniy nuqtai nazardan tizimli tahlil qilish mahorati shakllanadi.
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi tarjimaning nazariy asoslari, tillararo va madaniyatlararo ekvivalentlik hamda transformatsiya turlarini tadqiq etish metodologiyasini o‘rgatishdir. Kurs davomida magistrantlar badiiy, ilmiy-texnikaviy va medial matnlarni o‘girishning lisoniy hamda pragmatik muammolarini tahlil qiladilar. Natijada talabalarda turli tillardagi asar muqobilligini (ekvivalentligini) tanqidiy baholash, tarjima muammolarini ilmiy jihatdan umumlashtirish va shaxsiy tadqiqot ishlarida tarjima materiallaridan samarali foydalanish ko‘nikmalari shakllanadi
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi jahon tilshunosligida, xususan, Yevropa va Amerika maktablarida shakllangan eng yetakchi ilmiy yo‘nalishlar va lingvistik konsepsiyalar bilan magistrantlarni chuqur tanishtirishdir. Kurs doirasida deskriptiv lingvistika, strukturalizm, generativ grammatika va funksionalizm kabi oqimlarning tahlil usullari atroflicha o‘rganiladi. Erishiladigan natija — talaba xorijiy tilshunoslikning eng murakkab nazariy modellarini mustaqil tahlil qilish va ularni zamonaviy o‘zbek va ingliz tillari materialiga tanqidiy tatbiq etish malakasini egallaydi.
Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi lug‘at tuzish tarixi, lug‘at turlari (izohli, ikki tilli, kognitiv, ideografik va b.) hamda makro va mikrostrukturalarni shakllantirishning ilmiy-metodik tamoyillarini o‘rgatishdir. Kurs davomida elektron leksikografiya va korpus lingvistikasining zamonaviy lug‘atchilikdagi o‘rni tahlil qilinadi. Natijada magistrantlar lug‘at maqolalarini tahlil qilish, sohaviy atamalarni tizimlashtirish hamda professional maqsadlar uchun mustaqil glossariy va lug‘at maketlarini loyihalash kompetensiyasiga ega bo‘ladilar
