Tarixchi, pedagog-tadqiqotchi
Dastur maqsadi:
Tarix fanining zamonaviy metodologiyasi va ilmiy yondashuvlarini chuqur egallagan, tarixiy manbalarni tanqidiy tahlil qilish, tarixiy jarayonlarni milliy va global kontekstda ilmiy baholash hamda mustaqil ilmiy tadqiqotlar olib borishga qodir yuqori malakali mutaxassislarni tayyorlashdan iborat.
Dastur magistrlarda tarixshunoslik, manbashunoslik, tarixiy tahlil, ilmiy-pedagogik faoliyat va fanlararo tadqiqot kompetensiyalarini rivojlantirish bilan birga, tarixiy bilimlarni zamonaviy ta’lim, ilmiy-tadqiqot, madaniy merosni muhofaza qilish, arxiv va muzeyshunoslik, ekspert-tahliliy hamda davlat va jamoat boshqaruvi faoliyatida samarali qo‘llash ko‘nikmalarini shakllantirishga yo‘naltirilgan.
Dastur ta’lim jarayonini natijaga yo‘naltirilgan ta’lim (Outcome-Based Education), akademik halollik, innovatsion va fanlararo yondashuv hamda uzluksiz sifatni ta’minlash tamoyillari asosida tashkil etish orqali bitiruvchilarning milliy va xalqaro ilmiy-ta’lim makoni hamda mehnat bozorida raqobatbardosh, yuksak kasbiy kompetensiyalarga ega magistr sifatida shakllanishini ta’minlaydi.
Diplom nomi
Magistr
Mutaxassislik
Jami kreditlar
120/3600 soat
Davomiyligi
2 yil
O'qish narxi
Mahalliy talabalar uchun — Stipendiyali: - 16 700 840 UZS - 1 386 $ USD
Xorijlik talabalar uchun — Stipendiyasiz: - 9 864 000 UZS - 818 $ USD
Dasturning ta’limiy natijalari/kompetensiyalar: ilmiy, amaliy tadqiqotlar olib borish, tajriba natijalarini qayta ishlash va ular asosida ilmiy asoslangan xulosalar chiqarish, ilmiy maqolalar tayyorlash va tahrir qilish, ilmiy seminar, konferensiya va simpoziumlarni tashkil etish, o‘tkazish, ilmiy loyihalarni ishlab chiqish ko‘nikmalariga ega bo‘lish;
pedagogik faoliyatida axborot va pedagogik texnologiyalardan foydalanishni bilish;
ta’lim sifati va samaradorligini oshirishga innovatsion yondashishni bilish;
mutaxassisliklari bo‘yicha oliy ma’lumotli shaxslar egallashi lozim bo‘lgan lavozimlarda mustaqil ishlash;
mutaxassisliklari doirasida tanlangan mutaxassislik bo‘yicha oliy ta’lim muassasalarida hamda O‘zbekiston Respublikasi Fanlar akademiyasi va tarmoq ITIlarda tayanch doktorant va mustaqil tadqiqotchi sifatida ilmiy-tadqiqot ishlarini davom ettirishga;
kadrlarni qayta tayyorlash va malaka oshirish tizimida qo‘shimcha kasb ta’limi olish uchun tayyorlanadilar;
foydalanishda tarixiylik, aniqlik, xolislik, ishonchlilik tamoyillarini qo‘llay bilishi;
bajarilayotgan nazariy va amaliy ishlar mavzusi bo‘yicha ilg‘or xorijiy tajribalar, informatsion va imitatsion modellarni ishlab chiqish va tadbiq etish ko‘nikmalariga ega bo‘lishi;
ilmiy loyihalarning samaradorligini baholash hamda ularni sharhlash ko‘nikmalariga ega bo‘lish;
ilmiy tadqiqot sohasi bo‘yicha aniq tarixiy konseptual yondashuvga ega bo‘lish, strategik rejalarni ishlab chiqish, tarixshunoslik va manbashunoslik sohasida olib borilayotgan ilmiy
muammolarning nazariy modellarini ishlab chiqish va ilmiy-tadqiqot natijalari bo‘yicha tavsiyalar va ishlanmalarni amaliyotga tadbiq etishni bilish;
loyihalarning tarixiy-iqtisodiy hamda siyosiy samaradorligini baholash ko‘nikmalariga ega bo‘lish;
ijtimoiy-tarixiy vaziyatlarga tahdid soluvchi omillarni bartaraf etishga qaratilgan chora-tadbirlarni amalga oshirish malakasiga ega bo‘lish;
tarixiy tadqiqot usullarini olib borishda kerakli me’yoriy-huquqiy hujjatlarni to‘g‘ri qo‘llay bilish va amaliy natijaga erishish.
Kasbiy faoliyat sohalari (Qaysi sohalarda ishlashi mumkin): 70220301 – Tarix – “Gumanitar fanlar” ta’lim sohasiga oid mutaxassislik bo‘lib, Oliy, malaka oshirish va qayta tayyorlash, umumiy o‘rta, o‘rta maxsus, kasb-hunar ta’limi muassasalarida mutaxassislikka oid fanlarni o‘qitish; O‘zbekiston Respublikasi Fanlar akademiyasi va tarmoq ilmiy-tadqiqot institutlarida ilmiy-tadqiqot markazlarida, loyihalash institutlarida, ilmiy-ishlab chiqarish birlashmalarida ilmiy tadqiqot ishlarini olib borish, turli mulkchilik shaklidagi ishlab chiqarish va xizmat ko‘rsatish korxonalarida, davlat boshqaruvi organlarida, har xil shakldagi mulk, sanoat va biznes tashkilotlarida mutaxassislikka oid kompleks masalalar majmuasini qamrab oladi.
Kasbiy faoliyat obyektlari: (Qaysi tashkilotlarda ishlashi mumkin):
oliy ta’lim, qayta tayyorlash va malaka oshirish, professional va umumiy o‘rta ta’lim muassasalarida pedagogik faoliyat;
Fanlar akademiyasi va tarmoq ilmiy-tekshirish institutlari hamda oliy o‘quv yurtlarining ilmiy-tadqiqot bo‘limlari;
ilmiy, texnikaviy va texnologik masalalar bilan bog‘liq akademik, ilmiy tadqiqot muassasa va tashkilotlari;
qayta tayyorlash va malaka oshirish ta’lim tizimi muassasalari;
davlat va mahalliy boshqaruv organlari;
turli mulkchilik shaklidagi ishlab chiqarish va xizmat ko‘rsatish korxonalari;
davlat statistika qo‘mitasi bo‘linmalari;
fuqarolik holati dalolatnomalarini yozish bo‘limlari;
arxiv muassasalari;
milliy madaniy markazlar.
MUTAXASSISLIK FANLARI BO‘YICHA O‘QUV JARAYONI SHARHI
I Semestr. Ushbu bosqich tarix yo‘nalishidagi magistrlarda ilmiy tadqiqot olib borish kompetensiyalarini shakllantirishga qaratilgan. “Ilmiy tadqiqot metodologiyasi” fani zamonaviy ilmiy izlanish usullari, manbalarni tanqidiy tahlil qilish va akademik yozuv ko‘nikmalarini rivojlantiradi. “Maxsus fanlarni o‘qitish metodikasi” tarix fanlarini innovatsion pedagogik yondashuvlar hamda natijaga yo‘naltirilgan ta’lim tamoyillari asosida o‘qitish kompetensiyalarini shakllantiradi. “Tarixiy rekonstruksiya masalalari” fani tarixiy jarayonlarni manbalar, arxeologik va moddiy madaniyat dalillari asosida ilmiy qayta tiklash usullarini o‘rgatadi. “Paleoekologiya va sivilizatsiya dinamikasi” esa tabiiy muhit va inson jamiyati o‘rtasidagi o‘zaro ta’sirni, ekologik omillarning sivilizatsiyalar rivojiga ta’sirini tahlil qilish imkonini beradi. Mazkur semestr magistrlarda mustaqil ilmiy fikrlash, tahliliy yondashuv va tadqiqot kompetensiyalarini rivojlantirib, keyingi bosqichdagi ixtisoslashgan fanlarni o‘zlashtirish uchun zarur akademik poydevorni yaratadi.
II Semestr. Ikkinchi semestr magistratura talabalarda tarixiy jarayonlarni kompleks tahlil qilish, tarixiy manbalarni tanqidiy o‘rganish hamda milliy va jahon tarixini qiyosiy yondashuv asosida baholash kompetensiyalarini rivojlantirishga qaratilgan. “Oʻzbekistonda yer va suv munosabatlari (qadimgi davrlardan hozirgi kungacha)” fani yer va suv munosabatlarining tarixiy taraqqiyoti hamda ularning davlatchilik rivojidagi o‘rnini yoritadi. “Globallashuv sharoitida O‘zbekiston va jahon mamlakatlari hamkorligi” O‘zbekistonning xalqaro hamkorligi va global jarayonlardagi strategik o‘rnini tahlil qilish ko‘nikmalarini shakllantiradi. “Qadimgi Sharq tarixi manbalari va tarixshunosligi” qadimgi Sharq manbalari va tarixshunoslik yondashuvlarini tanqidiy o‘rganishni, “Yevropa sivilizatsiyalari tarixi” esa Yevropa sivilizatsiyalarining tarixiy taraqqiyotini zamonaviy ilmiy yondashuvlar asosida tahlil qilishni o‘rgatadi. “O‘zbekistonda millatlararo munosabatlar va bag‘rikenglik” millatlararo totuvlikning tarixiy-huquqiy asoslarini yoritib bersa, “XX asrda Yevrosiyodagi siyosiy jarayonlar: tarix va zamonaviy tendensiyalar” Yevrosiyo makonidagi siyosiy va geosiyosiy jarayonlarni tarixiy-qiyosiy tahlil qilish kompetensiyalarini rivojlantiradi. Natijada semestr magistrlarda manbashunoslik, tarixshunoslik va ilmiy-tahliliy yondashuvlarni mustahkamlab, ixtisoslashgan ilmiy tadqiqotlarni olib borish hamda yuqori malakali tarixchi, pedagog-tadqiqotchi sifatida shakllanishi uchun zarur akademik asosni yaratadi.
III Semestr. Uchinchi semestr magistratura talabalarda tarixiy manbalarni professional tahlil qilish, tarixshunoslikning dolzarb muammolarini ilmiy baholash hamda diplomatiya va davlat taraqqiyoti tarixini zamonaviy yondashuvlar asosida o‘rganish kompetensiyalarini rivojlantirishga qaratilgan. “Tarixiy hujjatlar bilan ishlash malakalari” fani arxiv hujjatlari va tarixiy manbalarni izlash, tasniflash hamda tanqidiy tahlil qilish ko‘nikmalarini shakllantiradi. “O‘zbek xalqi tarixshunosligining dolzarb muammolari” milliy tarixshunoslikning zamonaviy konsepsiyalari va metodologik yondashuvlarini o‘rganishga xizmat qiladi. “Yangi davr diplomatiyasi va tashqi siyosat tarixi” xalqaro munosabatlar tizimi va diplomatik jarayonlarning tarixiy rivojlanishini yoritadi, “Mustamlakachilik siyosati va uning tarixiy oqibatlari” esa mustamlakachilik siyosatining jamiyat taraqqiyotiga ta’sirini qiyosiy tahlil qilish imkonini beradi. “O‘zbekistonda diplomatik munosabatlar tarixi (qadimgi davrdan XX asr boshlarigacha)” O‘zbekiston diplomatiyasi va elchilik an’analarining tarixiy rivojlanishini ilmiy manbalar asosida tahlil qilishni o‘rgatsa, “O‘zbekistonda islohotlar strategiyasining nazariy masalalari” mamlakatda amalga oshirilayotgan islohotlarning nazariy-metodologik asoslarini baholash kompetensiyalarini rivojlantiradi. “O‘zbekiston tarixining dolzarb masalalari” zamonaviy tarixiy muammolarni ilmiy yondashuv asosida tahlil qilishni, “O‘rta Osiyo xalqlari dinlari tarixi” esa mintaqadagi diniy jarayonlar va ularning tarixiy taraqqiyotini o‘rganishni ta’minlaydi. Natijada mazkur semestr magistrlarda manbashunoslik, tarixshunoslik, diplomatiya tarixi va tarixiy jarayonlarni kompleks tahlil qilish kompetensiyalarini mustahkamlab, mustaqil ilmiy tadqiqotlar olib borish hamda yuqori malakali tarixchi-tadqiqotchi sifatida shakllanishi uchun zarur kasbiy tayyorgarlikni ta’minlaydi.
IV Semestr magistratura dasturining yakuniy bosqichi bo‘lib, unda auditoriya mashg‘ulotlari o‘rniga “Ilmiy-pedagogik ish va malaka amaliyoti” hamda “Ilmiy-tadqiqot ishi, magistrlik dissertatsiyasini tayyorlash va himoya qilish” amalga oshiriladi. Ushbu bosqichda magistrlar mustaqil ilmiy tadqiqot olib borish, ilmiy natijalarni tahlil qilish va umumlashtirish, oliy ta’limda pedagogik faoliyatni tashkil etish hamda magistrlik dissertatsiyasini xalqaro akademik va ilmiy standartlar asosida tayyorlash va muvaffaqiyatli himoya qilish kompetensiyalarini rivojlantiradilar.
Fanning maqsadi, erishiladigan ta’limiy natijalari haqida qisqacha ma’lumot: “O‘zbekistonda yer va suv munosabatlari (qadimgi davrdan hozirgi kungacha)” fani orqali magistratura talabalari O‘zbekiston hududida yer va suv munosabatlarining tarixiy taraqqiyoti, huquqiy va ijtimoiy-iqtisodiy asoslarini ilmiy manbalar asosida tahlil qilish, tarixiy jarayonlarni tanqidiy baholash hamda tarixiy tadqiqotlar, oliy ta’lim, ekspert-tahliliy faoliyat hamda agrar tarix, tarixiy geografiya va tarixiy-huquqiy tadqiqotlar sohasida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: “Ilmiy tadqiqot metodologiyasi” fani orqali magistratura talabalari ilmiy tadqiqotlarni rejalashtirish, zamonaviy tadqiqot metodlarini tanlash va qo‘llash, ilmiy natijalarni akademik talablar asosida rasmiylashtirish hamda mustaqil ilmiy tadqiqot, magistrlik dissertatsiyasini tayyorlash va ilmiy-pedagogik faoliyat sohalarida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: “Paleoekologiya va sivilizatsiya dinamikasi” fani orqali magistratura talabalari tabiiy muhit, iqlim o‘zgarishlari va sivilizatsiyalar taraqqiyoti o‘rtasidagi o‘zaro bog‘liqlikni geologik, geografik va arxeologik manbalar asosida ilmiy tahlil qilish, baholash hamda paleoekologik tadqiqotlar, arxeologik izlanishlar va tarixiy-ekologik tahlil sohalarida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: “Maxsus fanlarni o‘qitish metodikasi” fani orqali magistratura talabalari tarix fanlarini oliy ta’limda o‘qitishning zamonaviy metodlari va texnologiyalarini qo‘llash, ta’lim jarayonini loyihalash va tashkil etish, o‘quv-uslubiy ta’minotni ishlab chiqish hamda oliy ta’limda pedagogik, o‘quv-uslubiy va ilmiy-pedagogik faoliyatni samarali amalga oshirish kompetensiyalarini egallaydilar.
Fanning maqsadi, erishiladigan ta’limiy natijalari haqida qisqacha ma’lumot: “Tarixiy rekonstruksiya masalalari” fani orqali magistratura talabalari tarixiy voqea va jarayonlarni yozma, arxeologik hamda boshqa tarixiy manbalar asosida rekonstruksiya qilish, tarixiy ma’lumotlarni tanqidiy tahlil va umumlashtirish hamda tarixiy tadqiqotlar, tarixiy rekonstruksiya va madaniy merosni ilmiy o‘rganish sohalarida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: “Globallashuv sharoitida O‘zbekiston va jahon mamlakatlari hamkorligi” fani orqali magistratura talabalari O‘zbekistonning jahon mamlakatlari, xalqaro va mintaqaviy tashkilotlar bilan hamkorligi, tashqi siyosatining rivojlanish bosqichlari hamda global jarayonlardagi strategik o‘rnini ilmiy manbalar va rasmiy hujjatlar asosida tahlil qilish, tashqi siyosatni baholash hamda muataxassislik doirasida xalqaro munosabatlar va strategik tahlil sohasida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: “XX asrda Yevrosiyodagi siyosiy jarayonlar: tarix va zamonaviy tendensiyalar” fani orqali magistratura talabalari XX asrda Yevrosiyo hududida kechgan siyosiy jarayonlar, davlatlar taraqqiyoti va zamonaviy geosiyosiy tendensiyalarni ilmiy tahlil qilish, qiyosiy baholash hamda xalqaro munosabatlar, geosiyosiy tahlil va tarixiy-siyosiy tadqiqotlar sohasida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: “Qadimgi Sharq tarixi manbalari va tarixshunosligi” fani orqali magistratura talabalari Qadimgi Sharq tarixiga oid yozma va moddiy manbalarni hamda tarixshunoslik yondashuvlarini ilmiy asosda tahlil qilish, tarixiy konsepsiyalarni tanqidiy baholash hamda manbashunoslik, tarixshunoslik va Qadimgi Sharq tarixi bo‘yicha ilmiy tadqiqotlar sohalarida kasbiy kompetensiyalarni egallaydilar
Fanning maqsadi, erishiladigan ta’limiy natijalari haqida qisqacha ma’lumot: “Yevropa sivilizatsiyalari tarixi” fani orqali magistratura talabalari Yevropa sivilizatsiyalarining shakllanishi va taraqqiyot bosqichlari, siyosiy, iqtisodiy, huquqiy va madaniy rivojlanish xususiyatlarini zamonaviy tarixshunoslik yondashuvlari asosida tahlil qilish, qiyosiy baholash hamda Yevropa tarixi, sivilizatsion tadqiqotlar va qiyosiy tarixiy tahlil sohalarida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: “O‘zbekistonda millatlararo munosabatlar va tolerantlik” fani orqali magistratura talabalari O‘zbekistonda millatlararo munosabatlar va tolerantlik siyosatining tarixiy-huquqiy asoslari, rivojlanish bosqichlari hamda ijtimoiy barqarorlikni ta’minlash mexanizmlarini o‘rganib, millatlararo munosabatlar va tolerantlik siyosatini ilmiy tahlil qilish va baholash hamda ijtimoiy barqarorlik, davlat siyosati va fuqarolik jamiyati sohasida tahliliy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: “Tarixiy hujjatlar bilan ishlash malakalari” fani orqali magistratura talabalari tarixiy hujjatlar va arxiv manbalarini izlash, tasniflash, tanqidiy tahlil qilish hamda ilmiy baholash, tarixiy voqea va jarayonlarni hujjatli manbalar asosida xolis yoritish va manbashunoslik, arxivshunoslik hamda tarixiy hujjatlar ekspertizasi sohalarida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: O‘zbekistonda islohotlar strategiyasining nazariy masalalari fani orqali magistratura talabalari O‘zbekistonda amalga oshirilayotgan islohotlar strategiyasining nazariy-metodologik asoslari, siyosiy, iqtisodiy va ijtimoiy transformatsiya jarayonlarini ilmiy manbalar hamda me’yoriy-huquqiy hujjatlar asosida tahlil qilish, qiyosiy baholash hamda davlat boshqaruvi, strategik rivojlanish va ijtimoiy-siyosiy tahlil sohalarida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: Oʻzbekistonda elchilik munosabatlari tarixi (qadimgi davrdan XX asr boshlarigacha) fani orqali magistratura talabalari Oʻzbekiston hududida qadimgi davrdan XX asr boshlarigacha shakllangan diplomatik munosabatlar, elchilik instituti va xalqaro aloqalarning tarixiy rivojlanishini ilmiy manbalar asosida tahlil qilish, qiyosiy baholash hamda diplomatiya tarixi, xalqaro munosabatlar va tarixiy-diplomatik tadqiqotlar sohasida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: O‘zbekiston tarixining dolzarb masalalari fani orqali magistratura talabalari O‘zbekiston tarixining dolzarb muammolari va zamonaviy tarixshunoslik yondashuvlarini ilmiy asosda tahlil qilish, tarixiy jarayonlarni tanqidiy baholash hamda tarixiy tadqiqotlar, tarixshunoslik va tarixiy ekspertiza sohalarida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: O‘rta Osiyo xalqlari dinlari tarixi fani orqali magistratura talabalari O‘rta Osiyo hududida shakllangan diniy e’tiqodlar va konfessiyalarning tarixiy taraqqiyoti, ularning jamiyat va madaniyat rivojiga ta’sirini ilmiy manbalar asosida tahlil qilish, qiyosiy baholash hamda dinlar tarixi, tarixiy-madaniy meros va madaniyatlararo munosabatlar sohalarida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: “O‘zbek xalqi tarixshunosligining dolzarb muammolari” fani orqali magistratura talabalari o‘zbek xalqi tarixiga oid tarixshunoslik konsepsiyalari va metodologik yondashuvlarni ilmiy asosda tahlil qilish, tarixiy qarashlarni tanqidiy baholash hamda tarixshunoslik, metodologik ekspertiza va o‘zbek xalqi tarixi bo‘yicha ilmiy tadqiqotlar sohalarida kasbiy kompetensiyalarni egallaydilar.
Fanning maqsadi, erishiladigan ta’limiy natijalari haqida qisqacha ma’lumot: “Yangi davr diplomatiyasi va tashqi siyosat tarixi” fani orqali magistratura talabalari XVI–XX asr boshlaridagi diplomatiya va tashqi siyosatning rivojlanish qonuniyatlari, xalqaro munosabatlar tizimi hamda geosiyosiy jarayonlarni ilmiy manbalar va xalqaro-huquqiy hujjatlar asosida tahlil qilish, qiyosiy baholash hamda diplomatiya tarixi, tashqi siyosat tahlili va xalqaro munosabatlar tarixi bo‘yicha ilmiy tadqiqotlar sohalarida kasbiy kompetensiyalarni egallaydilar
Fanning maqsadi, erishiladigan ta’limiy natijalari haqida qisqacha ma’lumot: “Mustamlakachilik siyosati va uning tarixiy oqibatlari” fani orqali magistratura talabalari mustamlakachilik siyosatining shakllanishi, rivojlanishi va tarixiy oqibatlarini tarixiy manbalar hamda zamonaviy tarixshunoslik yondashuvlari asosida ilmiy tahlil qilish, qiyosiy baholash hamda mustamlakachilik tarixi, postkolonial tadqiqotlar va qiyosiy tarixiy tahlil sohalarida kasbiy kompetensiyalarni egallaydilar.
