Kompyuter injiniring (Bakalavr)

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda dasturlash, algoritmlar va ma’lumotlar tuzilmalarining asosiy tushunchalari bo‘yicha nazariy hamda amaliy bilimlarni shakllantirish, dasturlash tillari yordamida masalalarni yechish, dasturiy mahsulotlarni yaratish, sinash va xatolarini tuzatish ko‘nikmalarini rivojlantirishdan iborat. Fanni o‘zlashtirish natijasida talabalar algoritmlarni tuzish va ularning samaradorligini tahlil qilish, dasturlash tilining asosiy operatorlari va boshqaruv konstruksiyalaridan foydalanish, chiziqli, tarmoqlanuvchi va takrorlanuvchi jarayonlarni dasturlash, amaliy masalalar uchun samarali dasturiy yechimlar ishlab chiqish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarning dasturlash bo‘yicha nazariy va amaliy bilimlarini rivojlantirish, funksiyalar, ma’lumotlar tuzilmalari, massivlar, satrlar, fayllar va Python kutubxonalari bilan ishlash ko‘nikmalarini shakllantirishdir. Fanni o‘zlashtirish natijasida talabalar oddiy, ko‘p qiymat qaytaruvchi, rekursiv va lambda funksiyalarni qo‘llash, ro‘yxat, kortej, lug‘at, to‘plam hamda bir va ikki o‘lchamli massivlardan foydalanish, matn va fayllardagi ma’lumotlarni qayta ishlash, dasturiy xatolarni aniqlash va tuzatish, shuningdek, Python dasturlash tilida grafik va uch o‘lchamli vizualizatsiyalar yaratish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot Fanning maqsadi - talabalarga ma’lumotlarni kompyuter xotirasida samarali tashkil etish, saqlash, qayta ishlash va ulardan foydalanish usullarini o‘rgatish, shuningdek, massivlar, bog‘langan ro‘yxatlar, steklar, navbatlar, daraxtlar, graflar va xesh-jadvallar kabi ma’lumotlar tuzilmalarini tanlash hamda ular asosida samarali algoritmlar yaratish ko‘nikmalarini shakllantirishdir. Fanni o‘zlashtirish natijasida talabalar ma’lumotlar tuzilmalarini tahlil qilish va amaliy masalalarga mos ravishda tanlash, qidirish, saralash, xeshlash va rekursiv algoritmlarni tuzish, algoritmlarning vaqt va xotira murakkabligini baholash, zamonaviy dasturlash tillarida dasturiy yechimlarni yaratish, sinash va takomillashtirish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda kompyuter tarmoqlarini tashkil etish, sozlash, boshqarish va ularning xavfsizligini ta’minlash bo‘yicha nazariy bilim hamda amaliy ko‘nikmalarni shakllantirishdir. Fan doirasida lokal, global va korporativ tarmoqlarni boshqarish, router, switch va server kabi tarmoq qurilmalarini sozlash, tarmoq xizmatlarini o‘rnatish va boshqarish, tarmoq monitoringi, diagnostikasi, xavfsizlikni ta’minlash hamda nosozliklarni aniqlash va bartaraf etish masalalari o‘rganiladi. Fanni o‘zlashtirish natijasida talabalar kompyuter tarmoqlarining asosiy turlari, arxitekturasi va ishlash prinsiplarini tushunish, tarmoq qurilmalarini sozlash, IP manzillash, IPv4/IPv6, subnetting va tarmoq protokollari bilan ishlash, tarmoq infratuzilmasini loyihalash, server xizmatlarini boshqarish, foydalanuvchilar va guruhlarni administratsiya qilish, tarmoq xavfsizligini ta’minlash, monitoring olib borish va tarmoq samaradorligini optimallashtirish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot Fanning maqsadi - talabalarda ma’lumotlar bazalarini loyihalash, yaratish va boshqarish bo‘yicha nazariy bilim hamda amaliy ko‘nikmalarni shakllantirish, ma’lumotlar modellari, relyatsion ma’lumotlar bazalari, SQL tili va ma’lumotlarni qayta ishlash usullarini o‘rgatishdan iborat. Fanni o‘zlashtirish natijasida talabalar ma’lumotlar bazasi tuzilmasini loyihalash va normallashtirish, SQL yordamida ma’lumotlarni yaratish, izlash, yangilash va boshqarish, zamonaviy ma’lumotlar bazasini boshqarish tizimlaridan samarali foydalanish, ma’lumotlarning yaxlitligi va xavfsizligini ta’minlash, zaxira nusxalarini yaratish hamda ma’lumotlar bazalarini dasturiy tizimlarga integratsiya qilish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot Fanning maqsadi - talabalarga kompyuter tarmoqlarining qurilish tamoyillari, arxitekturasi, tarmoq qurilmalari, OSI va TCP/IP modellari, ma’lumot uzatish protokollari, IP manzillash, marshrutlash, kommutatsiya, lokal va global tarmoqlarni loyihalash hamda boshqarish bo‘yicha nazariy bilim va amaliy ko‘nikmalarni shakllantirishdir. Fanni o‘zlashtirish natijasida talabalar kompyuter tarmoqlarini loyihalash, tarmoq topologiyalarini tanlash, router, switch va boshqa tarmoq qurilmalarini o‘rnatish va sozlash, IP manzillash va subnetlashni amalga oshirish, marshrutlash va kommutatsiya jarayonlarini tashkil etish, tarmoq nosozliklarini aniqlash va bartaraf etish, shuningdek, tarmoq xavfsizligini ta’minlash hamda zamonaviy simsiz, bulutli va IoT texnologiyalaridan foydalanish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot Fanning maqsadi - talabalarda kompyuter tizimlari va ulardagi ma’lumotlarni maxfiylik, yaxlitlik va mavjudlikka tahdid soluvchi xavflardan himoya qilish bo‘yicha nazariy bilim hamda amaliy ko‘nikmalarni shakllantirishdir. Fan doirasida kiberxavfsizlikning asosiy tushunchalari, kriptografiya asoslari, shifrlash algoritmlari, kiberhujum turlari, zararli dasturlar, tarmoq xavfsizligi, risklarni boshqarish va zamonaviy himoya texnologiyalari o‘rganiladi. Fanni o‘zlashtirish natijasida talabalar axborotni shifrlash va deshifrlash, identifikatsiya, autentifikatsiya va ruxsatlarni boshqarish vositalaridan foydalanish, antivirus va xavfsizlik dasturlari bilan ishlash, operatsion tizimlarda xavfsizlik sozlamalarini amalga oshirish, kiberhujum hodisalarini tahlil qilish, xavfsizlik siyosatini ishlab chiqish hamda risklarni baholash va boshqarish kompetensiyalariga ega bo‘ladilar

Fanning maqsadi, erishiladigan ta’limiy natijalari haqida qisqacha ma’lumot Fanning maqsadi - talabalarga sun’iy intellektning nazariy asoslari, tamoyillari va zamonaviy texnologiyalarini o‘rgatish, ma’lumotlarni tahlil qilish, mashinali o‘qitish metodlaridan foydalanish hamda intellektual tizimlar yaratish bo‘yicha amaliy ko‘nikmalarni shakllantirishdir. Fanni o‘zlashtirish natijasida talabalar sun’iy intellektning asosiy tushunchalari, rivojlanish yo‘nalishlari, mashinali o‘qitish algoritmlari, sun’iy neyron tarmoqlar, chuqur o‘qitish va ma’lumotlarni qayta ishlash usullarini biladilar; amaliy masalalarni yechish uchun mos algoritm va metodlarni tanlash, mashinali o‘qitish modellarini yaratish, o‘qitish va baholash, ma’lumotlarni yig‘ish, tayyorlash va tahlil qilish, shuningdek, TensorFlow, PyTorch kabi zamonaviy kutubxonalar yordamida sun’iy intellektga asoslangan dasturiy yechimlar va loyihalar ishlab chiqish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda zamonaviy kompyuterlarni tashkil etish tamoyillari, kompyuter arxitekturasi, protsessorlar, xotira tizimlari, ma’lumotlarni ifodalash va qayta ishlash, kiritish-chiqarish qurilmalari hamda kompyuter tizimlaridan samarali foydalanish bo‘yicha nazariy bilim va amaliy ko‘nikmalarni shakllantirishdir. Fanni o‘zlashtirish natijasida talabalar kompyuter arxitekturasi va uning tarkibiy qismlarini tushuntirish, markaziy protsessor, xotira qurilmalari va kiritish-chiqarish tizimlarining ishlash prinsiplarini tahlil qilish, buyruqlar tizimi arxitekturasi, ma’lumot formatlari, sanoq sistemalari va mantiqiy amallarni amaliy masalalarda qo‘llash, protsessor, xotira va shinalar o‘rtasidagi o‘zaro ishlash jarayonlarini baholash hamda zamonaviy, ko‘p yadroli va parallel hisoblash texnologiyalaridan foydalanish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot Fanning maqsadi - talabalarda bir o‘lchamli signallar, ya’ni audio, sensor va biotibbiy signallar hamda ikki o‘lchamli signallar — tasvirlarni raqamli qayta ishlash bo‘yicha nazariy bilim va amaliy ko‘nikmalarni shakllantirish, real amaliy masalalarni MATLAB/Python dasturiy vositalari yordamida yechishga o‘rgatishdir. Fan doirasida diskret signallar va tizimlar tahlili, Fourier va Z-almashtirishlar, DFT/FFT orqali spektral tahlil, raqamli filtrlarni loyihalash, tasvirlarni yaxshilash, tiklash, segmentatsiya qilish, siqish hamda mashinali va chuqur o‘qitish yondashuvlari o‘rganiladi. Fanni o‘zlashtirish natijasida talabalar signallarni DFT/FFT yordamida spektral tahlil qilish, FIR va IIR raqamli filtrlarni loyihalash va amalga oshirish, raqamli tasvirlarni yaxshilash, shovqindan tozalash, tiklash, rangli tasvirlar bilan ishlash, morfologik amallarni bajarish, segmentatsiya va kontur aniqlash algoritmlarini qo‘llash, shuningdek, MATLAB/Python yordamida signal va tasvirlarga ishlov berish bo‘yicha mustaqil loyiha ishlab chiqish kompetensiyalariga ega bo‘ladilar

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarga o‘rnatilgan tizimlar, ularning turlari, qo‘yiladigan talablar, qurilmalar va boshqaruv obyektlari bilan integratsiyasi, shuningdek, tizim protsessorlari va vositalari bilan ishlash bo‘yicha nazariy bilim hamda amaliy ko‘nikmalarni shakllantirishdir. Fan doirasida mikrokontrollerlar, mikroprotsessorlar, sensorlar, aktuatorlar, tashqi qurilmalar, kiritish-chiqarish interfeyslari, real vaqt operatsion tizimlari, IoT texnologiyalari, simsiz aloqa vositalari va aqlli qurilmalar bilan ishlash o‘rganiladi. Fanni o‘zlashtirish natijasida talabalar o‘rnatilgan tizimlarning arxitekturasi va asosiy komponentlarini tushuntirish, mikrokontroller va mikroprotsessorlar asosidagi apparat va dasturiy qismlarni loyihalash, sozlash va boshqarish, sensor va aktuatorlar bilan ishlash, ma’lumotlarni yig‘ish, qayta ishlash va boshqarish algoritmlarini yaratish, RTOS va IoT texnologiyalari asosida amaliy loyihalar ishlab chiqish hamda o‘rnatilgan tizimlar uchun dasturiy mahsulotlarni sinash, optimallashtirish va hujjatlashtirish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarga kompyuter tizimlarining tuzilishi, ishlash tamoyillari, apparat va dasturiy ta’minot o‘rtasidagi bog‘liqlik hamda zamonaviy hisoblash tizimlari arxitekturasini o‘rgatishdir. Fan doirasida kompyuterning asosiy komponentlari, markaziy protsessor, xotira tizimlari, kiritish-chiqarish qurilmalari va ularning o‘zaro ishlash mexanizmlari chuqur o‘rganiladi. Fanni o‘zlashtirish natijasida talabalar kompyuter arxitekturasining nazariy asoslarini bilish, markaziy protsessor tuzilishi va ishlash prinsiplarini tushuntirish, buyruqlar tizimi arxitekturasi, kesh xotira, RAM va tashqi xotira xususiyatlarini tahlil qilish, sanoq tizimlari va ma’lumotlarni kodlash usullaridan foydalanish, kompyuter samaradorligiga ta’sir qiluvchi omillarni aniqlash, turli arxitekturaviy yechimlarni taqqoslash hamda zamonaviy hisoblash tizimlari imkoniyatlarini baholash kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarga robototexnika tizimlarining tuzilishi, ishlash tamoyillari va qo‘llanilish sohalari bo‘yicha nazariy hamda amaliy bilim berish, robotlarning mexanik, elektron va dasturiy qismlarini loyihalash va boshqarish asoslarini o‘rgatishdir. Fan doirasida robotlarning asosiy tushunchalari, rivojlanish bosqichlari, zamonaviy yo‘nalishlari, mexanik tuzilmalari, aktuatorlar, sensorlar, mikrokontrollerlar, boshqaruv tizimlari, Arduino platformasi, robotlarni dasturlash, avtomatik boshqaruv jarayonlari va robot qurilmalarini loyihalash, yig‘ish, sinash hamda samaradorligini baholash o‘rganiladi. Fanni o‘zlashtirish natijasida talabalar robototexnika asosiy tushunchalari va rivojlanish tendensiyalarini bilish, robotlarning tuzilishi va ishlash mexanizmlarini tushuntirish, sensor va aktuatorlarni mikrokontrollerlarga ulash, robot harakatini boshqarish algoritmlarini ishlab chiqish, robot qurilmalarini yig‘ish, sozlash, dasturlash va ishga tushirish, robot tizimlarini modellashtirish, testlash va tahlil qilish hamda ishlab chiqarish, xizmat ko‘rsatish, tibbiyot, qishloq xo‘jaligi va boshqa sohalarda robototexnika texnologiyalaridan samarali foydalanish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda kompyuter tizimlarining apparat va dasturiy qismlarini chuqur tushunish, kompyuter qurilmalari tuzilishi, ularning ishlash tamoyillari va samarali boshqarish usullari bo‘yicha nazariy bilim hamda amaliy ko‘nikmalarni shakllantirishdir. Fan doirasida kompyuterning asosiy qurilmalari, protsessor, xotira, saqlash qurilmalari, operatsion tizimlar, dasturiy vositalar, dasturlarni o‘rnatish va sozlash, drayverlarni yangilash, kompyuter qurilmalarini ulash, diagnostika qilish, texnik xizmat ko‘rsatish hamda axborot xavfsizligi va resurslardan samarali foydalanish masalalari o‘rganiladi. Fanni o‘zlashtirish natijasida talabalar kompyuter tizimlarining apparat va dasturiy arxitekturasini tushuntirish, asosiy komponentlarning vazifasi va ishlash mexanizmlarini tahlil qilish, operatsion tizimlarni o‘rnatish va sozlash, dasturiy ta’minotni o‘rnatish, yangilash va konfiguratsiya qilish, kompyuter nosozliklarini aniqlash va bartaraf etish, tizim resurslarini optimallashtirish hamda kompyuter va tarmoq resurslaridan xavfsiz foydalanish kompetensiyalariga ega bo‘ladilar

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda kriptografiyaning nazariy asoslari, simmetrik va assimmetrik shifrlash usullari, xesh funksiyalar, elektron raqamli imzo, autentifikatsiya mexanizmlari hamda raqamli axborot xavfsizligini ta’minlashda kriptografik vositalardan foydalanish bo‘yicha nazariy bilim va amaliy ko‘nikmalarni shakllantirishdir. Fan doirasida axborotni shifrlash va deshifrlash tamoyillari, klassik va zamonaviy kriptografik algoritmlar, ochiq kalitli kriptografiya, RSA, Diffie-Hellman kalit almashinuvi, AES algoritmi, xesh funksiyalar, PKI tizimlari, SSL/TLS protokollari, kalitlarni yaratish, saqlash va boshqarish, shuningdek, kriptografik protokollarning axborot maxfiyligi, yaxlitligi va inkor etmaslikni ta’minlashdagi o‘rni o‘rganiladi. Fanni o‘zlashtirish natijasida talabalar kriptografiya bo‘yicha zarur bilim va ko‘nikmalarga ega bo‘lish, turli shifrlash algoritmlari yordamida matn va fayllarni kodlash hamda dekodlash, kriptografik algoritmlarning matematik asoslarini tushunish, axborot tizimlari xavfsizligini ta’minlashda kriptografik vositalardan foydalanish, shuningdek, oddiy kriptotizimlarni tahlil qilish va kriptotahlilning asosiy elementlarini tushuntirish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarga PHP dasturlash tilini o‘rgatish, ushbu dasturlash tili yordamida loyihalar ishlab chiqish, ularni tahlil qilish hamda muammoga yo‘naltirilgan dasturlar yaratish ko‘nikmalarini shakllantirishdir. Fan doirasida PHP sintaksisi, ma’lumot turlari, asosiy operatorlar, shart operatorlari, sikllar, funksiyalar, OOP tamoyillari, class, object, inheritance tushunchalari, MySQL ma’lumotlar bazasi bilan PDO orqali ishlash, CRUD amallarini bajarish, MVC arxitekturasi asosida Yii2 frameworkida to‘liq web-ilovalar yaratish, CSRF, XSS, SQL Injection, RBAC kabi xavfsizlik mexanizmlari, REST API, Ajax, Pjax va tashqi servislar bilan integratsiya qilish o‘rganiladi. Fanni o‘zlashtirish natijasida talabalar PHP va Yii2 frameworki yordamida mustaqil web-ilovalarni loyihalash va ishga tushirish, Yii2 loyihasini Composer orqali yaratish va sozlash, Controller, Model va View komponentlari bilan ishlash, ActiveRecord ORM orqali ma’lumotlar bazasini boshqarish, formalar yaratish, validatsiya qilish, foydalanuvchi huquqlarini boshqarish, RESTful API yaratish, JSON formatida ma’lumot almashish hamda katta hajmdagi dasturiy loyihalarni MVC arxitekturasi asosida tuzish va modullashtirish kompetensiyalariga ega bo‘ladilar

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda katta hajmdagi ma’lumotlar bilan ishlash, ularni zamonaviy texnologiyalar yordamida saqlash, qayta ishlash, tahlil qilish va talqin etish bo‘yicha nazariy bilim hamda amaliy ko‘nikmalarni shakllantirishdir. Fan doirasida Big Data infratuzilmasi, parallel va taqsimlangan hisoblash, ma’lumotlar ombori, ma’lumotlar oqimi, analitik modellar, vizualizatsiya, mashinali o‘qitish asoslari, Hadoop, Spark, SQL va NoSQL texnologiyalari, statistik hamda intellektual ma’lumotlar tahlili usullari o‘rganiladi. Fanni o‘zlashtirish natijasida talabalar Big Data tushunchasi, turlari va xususiyatlarini tushuntirish, katta hajmdagi ma’lumotlarni yig‘ish, tartibga solish va qayta ishlash, Python yoki R dasturlash tillari yordamida ma’lumotlar tahlilini bajarish, Hadoop, Spark va boshqa Big Data platformalarida ishlash, ma’lumotlarni tozalash, anomaliyalarni aniqlash, vizualizatsiya qilish, statistik tahlil, Data Mining va Machine Learning metodlari asosida natijalarni asoslash, analitik hisobotlar tayyorlash hamda tahlil natijalari asosida boshqaruv qarorlarini qabul qilish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda R dasturlash tili yordamida ma’lumotlarni qayta ishlash, statistik tahlil qilish va vizualizatsiya yaratish bo‘yicha nazariy bilim hamda amaliy ko‘nikmalarni shakllantirishdir. Fan doirasida R tili sintaksisi, ma’lumot turlari va tuzilmalari, ya’ni vector, list, data frame, factor, boshqaruv operatorlari, funksiyalar, obyektga yo‘naltirilgan dasturlashning S3/S4/R6 tizimlari, tidyverse ekotizimi, dplyr, tidyr, ggplot2 paketlari, ma’lumotlarni import va eksport qilish, tozalash, transformatsiya qilish, statistik tahlil, korrelyatsiya, chiziqli regressiya hamda R Markdown yordamida takror ishlab chiqariladigan hisobotlar tayyorlash o‘rganiladi. Fanni o‘zlashtirish natijasida talabalar R muhitida mustaqil kod yozish va ishga tushirish, CSV, Excel, TXT, JSON formatidagi ma’lumotlarni o‘qish va saqlash, murakkab ma’lumotlar tuzilmalari bilan ishlash, o‘rtacha qiymat, dispersiya, korrelyatsiya, t-test va regressiya kabi statistik hisob-kitoblarni bajarish, histogramma, chiziqli grafik, ustunli diagramma va scatter plot yaratish, dplyr, tidyr va ggplot2 kutubxonalari yordamida ma’lumotlarni tozalash, guruhlash va vizualizatsiya qilish hamda R Markdown orqali tahliliy hisobotlar tayyorlash kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda web-ilovalarni yaratish va boshqarishda keng qo‘llaniladigan Django frameworki orqali zamonaviy dasturlash ko‘nikmalarini shakllantirish, Django asosida mustahkam, xavfsiz va kengaytiriladigan web-ilovalarni ishlab chiqish bo‘yicha nazariy bilim hamda amaliy ko‘nikmalarni rivojlantirishdir. Fan doirasida Django frameworkining arxitekturasi va ishlash tamoyillari, Django muhitini o‘rnatish va sozlash, loyiha hamda ilova yaratish, MTV - Model-Template-View arxitekturasi, URL routing, View va Template komponentlari, settings.py, urls.py, views.py, models.py va admin.py fayllarining vazifalari, Django ORM orqali ma’lumotlar bazasi bilan ishlash, admin panel, formalar, CRUD amallari, foydalanuvchi autentifikatsiyasi, avtorizatsiyasi va xavfsizlik mexanizmlari o‘rganiladi. Fanni o‘zlashtirish natijasida talabalar Django loyihasini yaratish, sozlash va ishga tushirish, modelni ro‘yxatdan o‘tkazish, admin panel orqali ma’lumot kiritish, Django Forms yordamida foydalanuvchi bilan interaktiv ishlash, login, logout va permissions tizimlarini qo‘llash, dinamik va ko‘p funksiyali web-ilovalarni ishlab chiqish, testlash, deploy qilish, shuningdek, Django REST Framework asosida API yaratish va serializers bilan ishlash kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda Arduino platformasi asosida mikrokontrollerlarni dasturlash, elektron qurilmalarni boshqarish hamda avtomatlashtirilgan va intellektual tizimlar yaratish bo‘yicha nazariy bilim va amaliy ko‘nikmalarni shakllantirishdir. Fan doirasida Arduino platformasining tuzilishi, imkoniyatlari va ishlash tamoyillari, Arduino IDE muhitini o‘rnatish va sozlash, C/C++ asosidagi dasturlar yaratish, o‘zgaruvchilar, operatorlar, shart operatorlari, sikllar va funksiyalardan foydalanish, digital va analog kirish-chiqish portlari bilan ishlash, sensorlar, aktuatorlar va turli elektron modullarni Arduino mikrokontrolleriga ulash hamda boshqarish o‘rganiladi. Fanni o‘zlashtirish natijasida talabalar Arduino IDE muhitida dastur yozish va ishga tushirish, Arduino platformasining tuzilishi va ishlash prinsiplarini tushuntirish, sensorlardan ma’lumot qabul qilish va qayta ishlash, LED, rele, servo motor, LCD displey kabi qurilmalarni boshqarish, tashqi modullar bilan ma’lumot almashish protokollaridan foydalanish, elektron sxemalarni yig‘ish, nosozliklarni aniqlash, Arduino asosida IoT, avtomatlashtirish, robototexnika va smart qurilmalar loyihalarini ishlab chiqish, sinovdan o‘tkazish va optimallashtirish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarga zamonaviy mobil ilovalarni yaratish bo‘yicha nazariy bilim va amaliy ko‘nikmalarni o‘rgatish, Flutter frameworki va Dart dasturlash tili yordamida Android hamda iOS platformalari uchun mobil ilovalar ishlab chiqish kompetensiyalarini shakllantirishdir. Fan doirasida Flutter va Dart dasturlash tilining asosiy tushunchalari, mobil ilova yaratish bosqichlari, ilova arxitekturasi va hayotiy sikli, foydalanuvchi interfeysi dizayni, widgetlar bilan ishlash, UX yaratish, ma’lumotlarni kiritish, qayta ishlash, saqlash va boshqarish, REST API, tarmoq xizmatlari, tashqi servislar bilan integratsiya, ilovalarni testlash, xatolarni aniqlash, optimallashtirish va deploy qilish jarayonlari o‘rganiladi. Fanni o‘zlashtirish natijasida talabalar Flutter va Dart dasturlash vositalari yordamida mobil ilovalar yaratish va sozlash, Android va iOS platformalari uchun foydalanuvchi interfeyslarini loyihalash, mobil ilovalarda ma’lumotlar bilan ishlash, REST API va tashqi servislar bilan integratsiya qilish, xatolarni aniqlash, testlash va ilova samaradorligini optimallashtirish, real amaliy muammolarni hal qilishga mo‘ljallangan mobil ilovalarni mustaqil ishlab chiqish, sinovdan o‘tkazish va platformalarga joylashtirish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda ikki va uch o‘lchamli kompyuter grafikasi, tasvirlarni shakllantirish, qayta ishlash va vizualizatsiya qilish, geometrik transformatsiyalar, rasterizatsiya va rendering algoritmlari hamda zamonaviy grafik dasturlash texnologiyalari bo‘yicha chuqur nazariy bilim va amaliy ko‘nikmalarni shakllantirishdir. Fan doirasida raster, vektor va fraktal grafika asoslari, rang modellari, tekislik va fazodagi geometrik o‘zgarishlar, proyeksiya usullari, spline egri chiziqlari va sirtlari, poligonal meshlar, rasterizatsiya algoritmlari, yashirin chiziq va sirtlarni olib tashlash, yoritish va soyalash modellari, OpenGL grafik kutubxonasi va GLSL shaderlari bilan ishlash o‘rganiladi. Fanni o‘zlashtirish natijasida talabalar raster va vektor grafik formatlari bilan ishlash, turli rang modellarida ranglarni ifodalash va o‘zgartirish, tekislik va fazoda geometrik transformatsiyalarni dasturiy bajarish, fraktal tasvirlar, spline egri chiziqlari va sirtlarini qurish, rasterizatsiya, to‘ldirish va clipping algoritmlarini dasturlash, yashirin sirtlarni olib tashlash, yoritish va soyalash usullarini qo‘llash, OpenGL va GLSL shaderlari yordamida uch o‘lchamli sahnalar hamda rendering effektlarini yaratish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda zamonaviy kompyuter tarmoqlarida axborot xavfsizligini ta’minlashning nazariy asoslari, tarmoq tahdidlarini aniqlash va tasniflash, tarmoq infratuzilmasini himoyalash, firewall, VPN, IDS/IPS tizimlarini sozlash va monitoring qilish hamda tarmoq xavfsizligi siyosatini ishlab chiqish bo‘yicha bilim, ko‘nikma va kompetensiyalarni shakllantirishdir. Fan doirasida tarmoq xavfsizligining asosiy tamoyillari, CIA triad modeli, OSI va TCP/IP modellari qatlamlaridagi xavfsizlik muammolari, DoS/DDoS, ARP spoofing, DNS poisoning, MITM, port scanning kabi tarmoq hujumlari, firewall, IDS/IPS, VPN, simsiz tarmoq xavfsizligi, SSL/TLS va IPsec shifrlash protokollari, tarmoq trafik monitoringi, log tahlili va xavfsizlik siyosatini ishlab chiqish masalalari o‘rganiladi. Fanni o‘zlashtirish natijasida talabalar tarmoq xavfsizligi tushunchalari, CIA triad modeli va zamonaviy tahdidlar manzarasini tushuntirish, OSI va TCP/IP qatlamlaridagi zaifliklar va hujum turlarini tahlil qilish, firewall, VPN, IDS va IPS tizimlarining ishlash prinsiplarini izohlash, Wireshark yordamida tarmoq trafikini tahlil qilish, xavfsizlik hodisalarini aniqlash, firewall qoidalarini sozlash, VPN ulanishlarini tashkil etish, zaifliklarni skanerlash va xavfsizlik auditini o‘tkazish, shuningdek, tarmoq infratuzilmasi uchun xavfsizlik siyosatini ishlab chiqish va risklarni baholash kompetensiyalariga ega bo‘ladilar

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda kompyuterli ko‘rish sohasi bo‘yicha nazariy bilim va amaliy ko‘nikmalarni shakllantirish, raqamli tasvir va videolardan mazmunli axborotni avtomatik ajratib olish usullarini o‘rgatishdir. Fan doirasida tasvirlarni qayta ishlash, obyekt belgilarini aniqlash va moslashtirish, ko‘p ko‘rinishli geometriya, kamera modellari, stereo va harakat tahlili, chuqur o‘qitishga asoslangan zamonaviy yondashuvlar, CNN, obyektlarni aniqlash, segmentatsiya, generativ modellar, vision transformerlar hamda Python/OpenCV va PyTorch vositalaridan foydalanish o‘rganiladi. Fanni o‘zlashtirish natijasida talabalar kompyuterli ko‘rishning asosiy tushunchalari, tasvir shakllanishi va optika asoslarini tushuntirish, filtering, edge detection, feature detection, SIFT, ORB, RANSAC va homography usullarini qo‘llash, kamera kalibrlash va stereo tasvirlardan chuqurlik xaritasini hisoblash, optical flow va obyekt kuzatish usullaridan foydalanish, PyTorch/Keras yordamida CNN modellarini qurish, o‘qitish va tasvirlarni klassifikatsiya qilish, transfer learning, obyekt deteksiyasi va segmentatsiya modellarini amaliy loyihalarda qo‘llash, tahlil natijalarini vizualizatsiya qilish va taqdim etish kompetensiyalariga ega bo‘ladilar

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda bulutli hisoblash modellari, virtualizatsiya texnologiyalari va bulutli texnologiyalar arxitekturasini loyihalash, bulutli platformalarda dasturiy ta’minotni ishlab chiqish va boshqarish bo‘yicha nazariy hamda amaliy ko‘nikmalarni shakllantirishdir. Fan doirasida IaaS, PaaS, SaaS xizmat modellari, virtual mashinalar, Docker, Kubernetes, bulutli infratuzilma, serverlar, tarmoqlar, saqlash tizimlari, bulutli xavfsizlik, shifrlash, autentifikatsiya, auto-scaling, load balancing hamda AWS, Azure, Google Cloud va mahalliy bulutli yechimlar bilan ishlash o‘rganiladi. Fanni o‘zlashtirish natijasida talabalar bulutli arxitektura tamoyillarini tushunish, bulutli xizmatlar ekotizimi va virtualizatsiya texnologiyalarini izohlash, Google, AWS, Yandex kabi platformalarda raqamli resurslar yaratish, biznes jarayonlarni bulutda boshqarish, API orqali tashqi xizmatlarni integratsiya qilish, Docker va GitHub Actions yordamida CI/CD jarayonlarini qo‘llash, bulutli muhitda xavfsizlikni ta’minlash hamda bulutli infratuzilmani loyihalash kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda ma’lumotlar bazasini boshqarish tizimlari bo‘yicha kasbiy faoliyatda qo‘llash uchun zarur bo‘lgan nazariy bilim, amaliy ko‘nikma va kompetensiyalarni shakllantirish hamda rivojlantirishdir. Fan doirasida ma’lumotlar bazasini loyihalash, yaratish va boshqarish, ma’lumotlarni samarali saqlash, qayta ishlash, izlash va himoyalash, relyatsion ma’lumotlar modeli, normallashtirish qoidalari, SQL so‘rovlar tili, tranzaksiyalarni boshqarish, indekslash, query optimisation, ma’lumotlar yaxlitligi, xavfsizlik, NoSQL, Big Data va zamonaviy DBMS vositalari bilan ishlash o‘rganiladi. Fanni o‘zlashtirish natijasida talabalar ma’lumotlar bazasini loyihalash va yaratish, SQL so‘rovlari yordamida ma’lumotlarni boshqarish va tahlil qilish, ma’lumotlar bazasi yaxlitligi, xavfsizligi va himoyasini ta’minlash, MySQL, PostgreSQL, Oracle, MS SQL Server kabi zamonaviy DBMSlar bilan ishlash, murakkab so‘rovlar, subquery, join va dynamic SQLdan foydalanish, indekslash, tranzaksiyalar, query optimisation va ma’lumotlar bazasini administratsiya qilish kompetensiyalariga ega bo‘ladilar

Fanning maqsadi, erishiladigan ta’limiy natijalari haqida qisqacha ma’lumot: zamonaviy parallel hisoblash tizimlarining arxitekturasi, ishlash tamoyillari va parallel dasturlash texnologiyalari bo‘yicha nazariy bilim hamda amaliy ko‘nikmalarni shakllantirishdan iborat. Fan parallel va taqsimlangan hisoblash muhitlarida samarali ishlaydigan dasturiy yechimlarni ishlab chiqish, ko‘p yadroli protsessorlar, grafik protsessorlar (GPU), klaster tizimlari va yuqori unumdor hisoblash platformalarining imkoniyatlaridan foydalanish usullarini o‘rgatishga qaratilgan.

Fanning maqsadi, erishiladigan ta’limiy natijalari haqida qisqacha ma’lumot: xatoliklar nazariyasi, funksiyalarning yaqinlashtirish, sonli integrallash, algebraik va transsendent tenglamalarni yechish usullari (tenglamalar sistemasini ham), sistemalarning shartlanganlik shartlarini o’rganish, sonli differensiallash va integrallash, oddiy differensial tenglamaga qo’yilgan Koshi va chegaraviy masalalarini taqribiy yechish usullarini o’rganish, masalalarni sonli yechish algoritm va dasturlarini ishlab chiqishdan iborat.

Fanning maqsadi, erishiladigan ta’limiy natijalari haqida qisqacha ma’lumot: zamonaviy uslublar va paradigmalarini nazariy hamda amaliy jihatdan o‘rgatish, turli dasturlash yondashuvlarining afzallik va kamchiliklarini tahlil qilish, dasturiy ta’minotni samarali loyihalash va ishlab chiqishda mos paradigmani tanlash ko‘nikmalarini shakllantirish.

Fanning maqsadi, erishiladigan ta’limiy natijalari haqida qisqacha ma’lumot: dasturlar majmualari, MS Excel, Maple va Matlab muhitlaridan yuklash bo‘yicha nazariy bilim va amaliy ko‘nikmalarni yaratishdan iborat. Algebra, matematik tahlil, differensial tenglamalar va sonli usullarga oid masalalarni amaliy dasturlar yordamida yechish, matematik modellarni qurish, muammolarni tahlil qilish jarayonlarini avtomatlashtirish, dasturlarni yaratish va grafik ko‘rinishda tasvirlash usullarini o‘rganadi, dasturiy ta’minotdagi amaliy masalalarni zamonaviy axborot texnologiyalari bilan bog‘liq holda samarali yechish, dasturiy ta’minotni va ulardan foydalanish dasturlarini amalga oshirish kompetensiyalarini rivojlantirishni ko‘zda tutiladi.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarning oldingi semestrlarda egallagan nazariy bilim va amaliy ko‘nikmalarini yagona mustaqil loyiha doirasida qo‘llash, real amaliy muammolarni aniqlash, ularni tahlil qilish va zamonaviy texnologiyalar yordamida yechim ishlab chiqish kompetensiyalarini shakllantirishdir. Fan doirasida talabalar loyiha muammosi va maqsadini aniqlash, tadqiqot va tahlil qilish, texnologiyalarni tanlash, dasturiy mahsulotni loyihalash, ishlab chiqish, sinovdan o‘tkazish, natijalarni baholash hamda professional taqdimot tayyorlash bosqichlarini o‘zlashtiradilar. Fanni o‘zlashtirish natijasida talabalar individual loyiha tayyorlash, loyiha maqsadi va vazifalarini belgilash, SWOT tahlil o‘tkazish, loyiha rejasini ishlab chiqish, zamonaviy dasturlash texnologiyalari asosida dasturiy mahsulot yaratish, interfeys loyihalash, ma’lumotlar bazasi va API integratsiyasidan foydalanish, loyihani testlash, monitoring qilish, natijalarni baholash, texnik hujjatlar tayyorlash va yakuniy loyihani mutaxassislar oldida himoya qilish kompetensiyalariga ega bo‘ladilar

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda operatsion tizimlarning vazifalari, tuzilishi, ishlash tamoyillari, resurslarni boshqarish mexanizmlari hamda zamonaviy operatsion tizimlardan samarali foydalanish bo‘yicha nazariy bilim va amaliy ko‘nikmalarni shakllantirishdir. Fan doirasida operatsion tizimlarning asosiy tushunchalari, jarayonlar va oqimlarni boshqarish, xotirani taqsimlash, fayl tizimlari, kiritish-chiqarish qurilmalari bilan ishlash, foydalanuvchi huquqlari, tizim xavfsizligi, Windows va Linux operatsion tizimlarining imkoniyatlari o‘rganiladi. Fanni o‘zlashtirish natijasida talabalar operatsion tizimlarning arxitekturasi va asosiy komponentlarini tushuntirish, jarayonlar, xotira, fayllar va qurilmalar boshqaruvini tahlil qilish, operatsion tizimlarni o‘rnatish, sozlash va boshqarish, foydalanuvchi huquqlarini belgilash, tizim xavfsizligini ta’minlash, nosozliklarni aniqlash va bartaraf etish hamda zamonaviy operatsion tizimlardan kasbiy faoliyatda samarali foydalanish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda geoaxborot texnologiyalarining tuzilishi, apparat va dasturiy vositalari, rivojlanish yo‘nalishlari, geoaxborot ma’lumotlar tuzilmalari va modellari bo‘yicha nazariy bilim, amaliy ko‘nikma hamda ilmiy dunyoqarashni shakllantirishdir. Fan doirasida geofazoviy texnologiyalar infratuzilmasi, geoma’lumotlar bazalarini loyihalash va boshqarish, PostgreSQL/PostGIS, ArcCatalog, ArcGIS/ArcMap, ArcToolbox dasturiy muhitlari, vektor va raster ma’lumotlar bilan ishlash, fazoviy so‘rovlar, elektron xaritalar, tematik qatlamlar, 3D modellashtirish hamda masofadan zondlash ma’lumotlarini GIS muhitiga integratsiya qilish o‘rganiladi. Fanni o‘zlashtirish natijasida talabalar geoaxborot tizimlari komponentlari va zamonaviy GIS dasturiy paketlarini tushuntirish, vektor va raster ma’lumotlar modellari, atribut jadvallari, geografik koordinatalar, topografik xaritalar va masshtab tushunchalarini qo‘llash, ArcGIS/ArcMap/ArcCatalog muhitida amaliy vazifalarni bajarish, fazoviy tahlil, ma’lumotlarni formatlar bo‘yicha o‘zgartirish, elektron xaritalar va 3D modellar yaratish, geoma’lumotlar sifati va atribut-fazoviy ma’lumotlar bog‘liqligini boshqarish hamda tayyorlangan xarita, model va tahlillarni professional tarzda taqdim etish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda chiziqsiz jarayonlarni matematik modellashtirish bo‘yicha nazariy bilim va amaliy ko‘nikmalarni shakllantirish, murakkab chiziqsiz dinamik tizimlarning matematik modellarini tuzish, ularning xatti-harakatini tahlil qilish, kompyuter simulyatsiyalarini bajarish hamda hisoblash natijalarini talqin qilish kompetensiyalarini rivojlantirishdir. Fan doirasida chiziqsiz jarayonlarni modellashtirishning nazariy asoslari, chiziqsiz differensial tenglamalar, dinamik tizimlar, real texnik, iqtisodiy, ekologik va biologik jarayonlarning matematik modellari, model adekvatligini baholash, barqarorlik, bifurkatsiya va chiziqsiz tizimlarning dinamik xatti-harakati, MATLAB, Python, Maple, Mathematica kabi zamonaviy dasturiy muhitlarda modellashtirish va sonli tajribalar o‘tkazish o‘rganiladi. Fanni o‘zlashtirish natijasida talabalar chiziqsiz jarayonlarni matematik modellashtirishning nazariy asoslari va qo‘llanish sohalarini bilish, real jarayon va tizimlarning chiziqsiz matematik modellarini tuzish va parametrlarini aniqlash, chiziqsiz differensial tenglamalar va dinamik tizimlarni analitik hamda sonli usullar bilan yechish, MATLAB yoki Python yordamida kompyuter simulyatsiyalarini bajarish, modellashtirish natijalarini grafik, jadval va hisobot ko‘rinishida taqdim etish, texnik, iqtisodiy, ekologik va axborot tizimlarida yuzaga keladigan amaliy muammolarni matematik modellashtirish usullari orqali hal qilish kompetensiyalariga ega bo‘ladilar

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda zamonaviy axborot tizimlari uchun kompleks xavfsizlik arxitekturasini loyihalash, tarmoq muhitida kriptografik protokollarni qo‘llash, kriptografiya va tarmoq xavfsizligini integratsiyalashgan holda amalga oshirish, PKI infratuzilmasini boshqarish hamda kiberxavfsizlik auditi metodologiyasini mustaqil qo‘llash bo‘yicha yuqori darajadagi kasbiy kompetensiyalarni shakllantirishdir. Fan doirasida kriptografiya va tarmoq xavfsizligining integratsiyalashgan yondashuvi, TLS 1.3, SSH, IPsec IKEv2, DTLS kabi murakkab kriptografik protokollar, PKI infratuzilmasini rejalashtirish, joriy etish va boshqarish, sertifikatlarni berish va bekor qilish jarayonlari, kriptotahlil usullari, zamonaviy algoritmlarning kuchli va zaif tomonlarini baholash, Zero Trust arxitekturasi, mikrosegmentatsiya, kriptografik identifikatsiya, post-kvant kriptografiyasi va kvant hisoblash tahdidlariga qarshi kelajak xavfsizlik strategiyalari o‘rganiladi. Fanni o‘zlashtirish natijasida talabalar kriptografiya va tarmoq xavfsizligining zamonaviy axborot tizimlaridagi birgalikdagi rolini tushuntirish, TLS 1.3, SSH va IPsec IKEv2 kabi protokollarning ishlash mexanizmlari va xavfsizlik xususiyatlarini izohlash, PKI infratuzilmasi, sertifikatlar va kriptografik kalitlar hayotiy siklini boshqarish, murakkab tarmoq muhitida kriptografik protokollarni sozlash va xavfsizligini tekshirish, CA konfiguratsiyasi va sertifikatlarni boshqarish, kriptografik zaifliklarni aniqlash uchun penetration testing va audit usullaridan foydalanish, Zero Trust hamda post-kvant kriptografiyasi tamoyillarini amaliy loyihalarda qo‘llash, kiberxavfsizlik auditi, monitoring tizimlari va xavfsizlik hodisalariga professional javob berish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarga zamonaviy amaliy dasturiy paketlar, ularning imkoniyatlari va kasbiy faoliyatda samarali qo‘llanilishi bo‘yicha nazariy bilim hamda amaliy ko‘nikmalarni shakllantirishdir. Fan doirasida amaliy dasturiy paketlarning turlari, tuzilishi va ishlash tamoyillari, matn muharrirlari, elektron jadvallar, taqdimot dasturlari, ma’lumotlarni qayta ishlash, tahlil qilish va vizualizatsiya qilish, hujjatlar, hisobotlar va taqdimotlar yaratish, Microsoft Word, Excel, PowerPoint, Microsoft Access, Google Workspace va Microsoft 365 xizmatlari, bulutli texnologiyalar, multimedia vositalari hamda axborot xavfsizligi masalalari o‘rganiladi. Fanni o‘zlashtirish natijasida talabalar amaliy dasturiy paketlarning turlari, vazifalari va qo‘llanish sohalarini bilish, matn protsessorlari yordamida hujjatlar yaratish, tahrirlash va formatlash, elektron jadvallarda formulalar va funksiyalar bilan ishlash, ma’lumotlarni tahlil qilish va grafik ko‘rinishda taqdim etish, ma’lumotlar bazalari bilan ishlash, zamonaviy amaliy dasturiy paketlardan kasbiy va o‘quv faoliyatida samarali foydalanish, raqamli axborotni tashkil etish, boshqarish va tahlil qilish, shuningdek, axborot xavfsizligi va raqamli etika qoidalariga rioya qilish kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda kiberxavfsizlikda sun’iy intellekt va mashinali o‘qitishning asosiy qo‘llanish sohalari bo‘yicha nazariy bilim va amaliy ko‘nikmalarni shakllantirish, axborot tizimlarida tahdidlarni aniqlash, tarmoq xavfsizligini monitoring qilish hamda sun’iy intellektga asoslangan sodda himoya modellarini tushunish va tahlil qilish kompetensiyalarini rivojlantirishdir. Fan doirasida sun’iy intellekt va kiberxavfsizlikning asosiy tushunchalari, ularning zamonaviy axborot tizimlaridagi o‘rni, supervised va unsupervised learning yondashuvlari, kiberxavfsizlik tahdidlari, hujum turlari, zararli faoliyatlarni sun’iy intellekt yordamida aniqlash, xavfsizlik ma’lumotlarini qayta ishlash, anomaly detection, IDS va SIEM tizimlari, tarmoq trafikini vizualizatsiya qilish, log fayllarini tahlil qilish, spam va phishing kabi matnli tahdidlarni aniqlash o‘rganiladi. Fanni o‘zlashtirish natijasida talabalar kiberxavfsizlik va sun’iy intellektning o‘zaro bog‘liqligini tushuntirish, machine learningning classification, clustering va anomaly detection kabi asosiy tushunchalarini izohlash, kiberxavfsizlik tahdidlari, hujum modellari va himoya mexanizmlarini tahlil qilish, network traffic, log, phishing va malware ma’lumotlarini qayta ishlash, spam yoki phishingni aniqlash kabi vazifalarda sodda machine learning modellaridan foydalanish, sun’iy intellektga asoslangan intrusion detection jarayonining konseptual modelini ishlab chiqish hamda AI asosidagi kiberxavfsizlik tizimlarining imkoniyatlari va cheklovlarini baholash kompetensiyalariga ega bo‘ladilar.

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda obyektga yo‘naltirilgan dasturlash tamoyillari asosida sifatli, kengaytiriladigan va qayta foydalaniladigan dasturiy ta’minot yaratish bo‘yicha nazariy bilim hamda amaliy ko‘nikmalarni shakllantirishdir. Fan doirasida class va object tushunchalari, encapsulation, inheritance, polymorphism, abstract class va interface, generics, exception handling, collections, UML modellashtirish, SOLID tamoyillari, design patterns, unit testing, TDD va concurrency asoslari Java dasturlash tili misolida o‘rganiladi. Fanni o‘zlashtirish natijasida talabalar obyektga yo‘naltirilgan dasturlashning class, object, message, abstraction kabi asosiy tushunchalarini tushuntirish, encapsulation, access modifiers, inheritance, polymorphism va dynamic binding tamoyillarini amaliyotda qo‘llash, abstract class, interface va generics yordamida moslashuvchan kod yozish, exception va collections bilan ishlash, UML diagrammalar yaratish, design patterns va SOLID tamoyillaridan foydalanish, JUnit yordamida unit testlar yozish hamda yuqori sifatli, qayta foydalaniladigan dasturiy yechimlar ishlab chiqish kompetensiyalariga ega bo‘ladilar

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarda mashinali o‘qitishning nazariy asoslari, asosiy algoritmlari va ularni amaliy masalalarni yechishda qo‘llash bo‘yicha bilim hamda ko‘nikmalarni shakllantirishdir. Fan doirasida linear regression, logistic regression, classification, regularisation, optimisation methods, artificial neural networks, deep learning, CNN, RNN va autoencoder kabi zamonaviy modellar, shuningdek, Matlab/Python hamda TensorFlow/Keras vositalaridan foydalanish o‘rganiladi. Fanni o‘zlashtirish natijasida talabalar mashinali o‘qitishning asosiy tushunchalari, turlari va o‘qitish jarayoni bosqichlarini tushuntirish, linear algebra asosida vektor va matritsalar bilan ishlash, linear va logistic regression modellarini qurish, gradient descent usulini dasturlash, classification masalalarini yechish va model aniqligini baholash, TensorFlow/Keras yordamida artificial neural network va CNN modellarini yaratish, o‘qitish hamda natijalarni vizualizatsiya qilish, talqin qilish va amaliy loyihalarda qo‘llash kompetensiyalariga ega bo‘ladilar

Fanning maqsadi, erishiladigan ta’limiy natijalari haqida qisqacha ma’lumot: Fanning maqsadi - talabalarga zamonaviy raqamli qurilmalar, mikroprotsessor tizimlari, kompyuter apparat va dasturiy ta’minoti arxitekturasi, ularning ishlash tamoyillari, loyihalash, ishlab chiqish va amaliy qo‘llash bo‘yicha nazariy bilim hamda amaliy ko‘nikmalarni shakllantirishdir. Fan doirasida raqamli texnologiyalarning nazariy asoslari, sonli axborotni ifodalash va qayta ishlash usullari, mantiqiy funksiyalar, algebraik qonunlar, raqamli sxemalarni tahlil qilish va sintezlash, triggerlar, registrlar, hisoblagichlar, multipleksorlar, dekoderlar, mikroprotsessor va mikrokontrollerlar tuzilishi, xotira tashkil etilishi, periferik qurilmalar bilan o‘zaro ishlash hamda apparat va dasturiy vositalar integratsiyasi o‘rganiladi. Fanni o‘zlashtirish natijasida talabalar raqamli texnika va dasturiy ta’minotning asosiy tushunchalari va rivojlanish yo‘nalishlarini bilish, axborotni raqamli shaklda ifodalash va sanoq sistemalaridan foydalanish, mantiqiy algebra qonunlari va mantiqiy funksiyalarni qo‘llash, trigger, registr, hisoblagich va xotira qurilmalarining vazifalarini tushuntirish, mantiqiy sxemalarni tahlil qilish va loyihalash, kombinatsion qurilmalar sxemalarini yaratish, mikroprotsessor tizimlari bilan amaliy ishlash, algoritmlarni dastur ko‘rinishida ifodalash, texnik va dasturiy hujjatlar bilan ishlash hamda apparat va dasturiy vositalar integratsiyasi asosida sodda avtomatlashtirilgan tizimlar yaratish kompetensiyalariga ega bo‘ladilar.