Iqtisodiyot fanlari doktori, professor
Abduqodir Hamidovich Toshqulov 1976-yil 29-avgustda Surxondaryo viloyati Boysun tumanida tavallud topgan. 1998-yil Termiz universitetini moliya va kredit mutaxassisligi boʻyicha tamomlagan. Oʻqishni tamomlagach, Termiz davlat universitetida moliya va soliq tizimi kafedrasi oʻqituvchisi, katta oʻqituvchisi, iqtisodiyot-moliya fakulteti dekani oʻrinbosari, moliya kafedrasi mudiri vazifalarida faoliyat yuritgan. Shuningdek, Samarqand qishloq xoʻjaligi instituti ilmiy tadqiqotchisi, Bozor islohotlari ilmiy-tadqiqot instituti ilmiy xodimi sifatida ilmiy izlanishlar olib borgan. Oliy taʼlim tizimida oʻqituvchi vazifasidan rektor va vazir lavozimlarida ishlagan. AQSH, Yevropaning qator davlatlari, Yaponiya, Turkiya va Rossiya Federatsiyasida ilmiy malaka oʻtagan. Germaniya, Yaponiya, Xitoy va Polsha kabi davlatlarda oʻtkazilgan ilmiy anjuman va simpoziumlarda oʻz ilmiy maʼruzalari bilan ishtirok etgan. Oilali. Toʻrt nafar farzandning otasi. Doʻstlik ordeni mukofoti sohibi, iqtisodchi, oʻqituvchi va davlat arbobi, iqtisodiyot fanlari doktori, professor.
Oʻqishni tamomlagach, universitetning moliya va soliq tizimi kafedrasida oʻqituvchisi, katta oʻqituvchisi vazifalarida ishlagan.
2002—2004-yillarda Samarqand qishloq xoʻjaligi instituti ilmiy tadqiqotchisi, Bozor islohotlari ilmiy-tadqiqot instituti ilmiy xodimi sifatida faoliyat olib borgan. 2004—2006-yillarda Termiz davlat universiteti Moliya kafedrasi mudiri, Fuqarolik jamiyatini oʻrganish instituti Surxondaryo viloyati filiali rahbari sifatida faoliyat yuritgan.
2006-yildan oʻzining mahalliy davlat boshqaruv organlarida faoliyatini Surxondaryo viloyati hokimining maʼnaviy-maʼrifiy ishlar boʻyicha yordamchisi vazifasidan boshlagan.
2010-yilgacha ushbu lavozimda ishlagan, bir vaqtning oʻzida ilmiy-pedagogik faoliyatini ham davom ettirib, oʻrindoshlik asosida Termiz universiteti moliya kafedrasi mudiri vazifasida faoliyat yuritgan.
2010-yildan boshlab mamlakat siyosiy hayotidagi jarayonlardagi ishtirokini boshlagan.
2010—2019-yillarda Oʻzbekiston Respublikasi Oliy Majlisi Qonunchilik palatasi Qonunchilik va sud-huquq masalalari qoʻmitasi aʼzosi,
2019—2021-yillarda Oʻzbekiston Respublikasi Oliy Majlisi Senatining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi aʼzosi sifatidada faoliyat koʻrsatgan.
2017—2021-yillarda Termiz davlat universiteti rektori lavozimida ishlagan.
Oʻzbekiston Respublikasi Prezidentining 2021-yil 14-yanvardagi 6141-son farmoni bilan Oliy va oʻrta maxsus taʼlim vaziri lavozimiga tayinlangan.
2022-yildan boshlab Voleybol Federatsiyasi rahbari va 2023-yil 1-noyabrdan Termiz davlat universiteti rektori sifatida faoliyat yuritgan.
Kimyo fanlari nomzodi, dotsent
Filologiya fanlari bo’yicha falsafa doktori (PhD), dotsent
Tarix fanlari bo'yicha falsafa doktori (PhD).
